Elektrisidat

WEB ta e distribuidó di elektrisidat na Boneiru. Nos ta responsabel pa e ret di elektrisidat i entrega di koriente na kas i kompanianan. Huntu ku partidonan na Hulanda, Estados Unido i region nos ta trahando na e transishon di energia nesesario pa suministro di energia duradero, konfiabel i pagabel.

Produkshon duradero
Produktor di energia ContourGlobal ta produsí koriente na Boneiru for di energia di bientu, energia solar i kombustibel fósil. Naturalesa ta nos poseshon di mas grandi. Usando energia di bientu i energia solar nos ta pone ménos preshon riba nos naturalesa. Tambe nos ta bira ménos dependiente di kombustibel fósil.

Hidden

Hidden

Meskla optimal di energia

E meskla di energia di kual  energia ta ser produsí na Boneiru ta konsistí di: un sentral híbrido na Karpata, un sentral di disel na Barcadera, molinanan di bientu na Morotin i Sorobon i pènel solar na Barcadera.

E aspirashon ta pa oumentá e porshon di energia duradero, di 22 porshento pa 60 porshento na 2025. Pa esei ContourGlobal i WEB lo realisá un parke solar na Karpata i un ekspanshon di e parke di molina di bientu.

Kompania i partikularnan na Boneiru tambe por instalá pènel solar di un manera desentral pa uso propio.

Energia renobabel
Bientu ta laga molinanan di bientu drai lokual ta produsí elektrisidat. Lus di solo ta produsí energia ku ta ser kombertí den koriente den en pènel solarnan. Bientu i solo ta fuentenan di energia ku ta disponibel sin límite. Nan no ta kaba, kontrario na kombustibel fósil. Nan no ta okashoná emishon di CO2 tampoko. Esaki ta hasi nan hopi adekuá pa produsí elektrisidat.

Semper nos mester tene kuenta na momentu ku energia di bientu i energia solar ta instabil. Asina ku bientu supla ménos, tin ménos energia di bientu. Anochi no tin solo i durante dia por tin nubia ku ta pone ku tin ménos energia solar.

Den 2019 e sentral di elektrisidat na Karpata a ser ekipá ku un sistema avansá di almasenahe di energia. [Lenk pa >Proyektonan >>Almasenahe di energia nobo pa Boneiru] Esaki ta hasi e uso di mas energia renobabel posibel.

Kombustibel fósil
Kombustibel fósil – petroli, gas natural, gas di skali, karbon – ta pone preshon riba medio ambiente ku emishon di CO2. Nan no ta renobabel i nan disponibilidat ta limitá. Pero un bentaha importante di kombustibel fósil ta ku nan ta fuentenan di energia stabil.

Por kalkulá e kantidat di disel ku ta nesesario pa un sierto kantidat di elektrisidat hopi eksakto. Otro for di bientu i solo, bo sa presis kiko bo ta haña. Te ainda no por sin kombustibel fósil den e meskla di energia pa elektrisidat duradero, konfiabel i pagabel na Boneiru.

Sosionan

E kompania Merikano Contour Global ta e produktor di energia na Boneiru, fasilidatnan di produkshon na Karpata, Barcadera i Morotin. Na Barcadera WEB ta akomodá e proyekto piloto AlgaeParc di Wageningen University & Research. Akinan ta hasi investigashon di e krio di alganan pa supstansianan di alimento i pa biokombustibel. WEB ta traha den un kolaborashon estrecho ku e operadó di ret hulandes Stedin, ku ta pone su konosementu i ekspertisia disponibel pa optimalisashon di e ret di elektrisidat na Boneiru.

Proyektonan

WEB ta invertí den suministro di elektrisidat moderno i robusto ku ta kla pa desaroyonan nobo: di e instabilidat natural di energia di bientu i energia solar te ku eksigensianan tékniko nobo i e legislashon. Ya asina den futuro tambe nos por kumpli ku e nesesidat di energia di habitante, bishitante, kompania i institutonan na nos isla.

Hidden

Hidden

Almasenahe di energia nobo pa Boneiru

mart 2019

E sentral di elektrisidat na Karpata ta ekipá ku un sistema di almasenahe di energia avansá. E ta garantisá konfiabilidat pa e suministro di energia i ta hasi e produkshon di mas energia renobabel posibel.

E proyekto di almasenahe di energia híbrido 6 Mega Watt (MW) ta un sistema integrá. E ta impliká hardware, ku ta konsistí di baterianan i transformadónan, i GEMS, software pa maneho di energia di Greensmith Energy, un kompania di Wärtsilä.

Mas energia renobabel
Danki na e almasenahe di energia nobo e uso di energia renobabel na Boneiru por krese. E sistema ta integrá energia renobabel – i e naturalesa instabil di esaki – mas mihó den e meskla di energia. Ku esaki e konfiabilidat di e ret riba nos isla ta mihó garantisá.

ContourGlobal, e produktor na Boneiru a ekstendé e kapasidat di produkshon di e sentral na Karpata den 2019. [Lenk pa >> Ekspanshon kapasidat sentral Karpata]

Kolaborashon
E proyekto di almasenahe di energia híbrido a ser realisá despues di un proseso di evaluashon tékniko i di kompra intensivo di ContourGlobal i WEB na 2018.

WEB i ContourGlobal ta kontinuá nan esfuersonan konhunto. Asina ContourGlobal lo instalá produkshon di energia di bientu i energia solar pa pa por produsí 100 porshento di energia renobabel durante sierto partinan di dia..

Ekspanshon kapasidat sentral Karpata

2019

Den mitar di 2019 a ekspandé e sentral di elektrisidat na Karpata ku sinku generator di disel. Danki na e oumento di kapasidat por a desmantelá un provishon temporal ku generator di koriente modular den besindario di e bario Hato despues di tres aña.

Promé a start tres generator HFO-di disel den un instalashon eksperimental, ku un kapasidat operashonal di 6 MW na Karpata. Despues di tèstnan eksitoso a instalá dos generator nobo èkstra. Kada generator ta instalá den un container di 40 pia i ta protehá kontra di influensia ambiental.

Sentral di elektrisidat híbrido

E sentral na Karpata ta híbrido, esei ta nifiká ku  e ta traha tantu riba kombustibel fósil komo riba energia renobabel. A konsekuensia di e ekspanshon, na e momento aki un suministro supstansial di elektrsisidat ta ser produsí ku generator di disel (22 MW), turbina di bientu (11 MW) i bateria di energia solar (6 MW). Ta manehá e totalidat dor di un sistema avansá di maneho di energia.

E ekspanshon ta parti di e esfuersonan kontinuo di ContourGlobal Bonaire i WEB pa huntu produsí un suminstro di elektrisidat duradero, konfiabel i pagabel pa Boneiru i su ekonomia.

Kolaborashon
A realisá e ekspanshon di kapasidat despues di un proseso di evaluashon tékniko i di kompra intensivo di ContourGlobal i WEB na 2018.

WEB i ContourGlobal konhuntamente ta kontinuá ku nan esfuersonan. Asina ContourGlobal lo instalá produkshon di energia di bientu i energia solar pa durante sierto partinan di dia por produsí 100 porshento di energia renobabel.

SERVISIO PA KLIENTE
BO FAKTURA
PAGABON
AKTUAL
ORARIONAN
INTERUPSHON ✆9215
SERVISIO PA KLIENTE
BO FAKTURA
PAGABON
AKTUAL
ORARIONAN
INTERUPSHON? ✆9215
SERVISIO PA KLIENTE
BO FAKTURA
PAGABON
AKTUAL
ORARIONAN
INTERUPSHON? ✆9215