Bo privasidat
Manera tur empresa multi-utilidat ‘eksklusivo’ Water- en Energiebedrijf Bonaire N.V. (WEB) ta responsabel pa entrega duradero i responsabel di awa i elektrisidat pagabel na Boneiru. Desde mart 2013 a amplia e servisio di WEB ku kolekshon i tratamentu di awa di berpùt i maneho di e instalashon di purifikashon di awa di berpùt (KAWZI).

Dor di e orígen di e servisio aki, WEB ta disponé di sierto informashonnan di bo. P’esei nos ta haña importante pa sòru pa e servisio aki ta simpel, personal i konfiabel. Dentro di WEB ta asina tambe un servisio kontinuo pa mehorá nos servisio i pa mas tantu posibel esaki ta kuadra ku bo nesesidatnan personal.

Banda di esaki nos ta pone hopi balor na konservashon di bo informashonnan personal ku nos a haña. WEB pa atendé kuidadosamente ku bo informashonnan i p’esei ta sòru pa tur proseso di bo informashonnan ta kumpli na e lei aplikabel- i regulashon riba base di protekshon di lei i informashonnan personal BES. Na momentu di proseso di e informashonnan, nos ta respetá bo privasidat, entre otro dor di kumpli ku e preskripshonnan i stipulashonnan ku tin den e protekshon di informashonnan personal BES òf ku ta originá for di esaki.

E palabra privá ta konta pa tur kliente i pa tur usuario di servisionan di WEB.

Di kon ta prosesá bo informashonnan?
Den kuadro di e servisio, òf momentu ku abo di un otro forma tin kontakto ku WEB, WEB ta stipulá informashonnan, manera nòmber, direkshon i sitio di biba, informashon (NAW), i informashonnan di usuario di elektrisidat i awa. Banda di esei WEB ta pidí bo pa entregá kopia di dokumentonan ofisial. WEB ta hasi uso di e informashonnan aki pa ehekushon di e akuerdo i su servisio.

Pa kua meta WEB ta hasi uso di bo informashonnan?
Kompletamente pa dunamentu di servisio. Nos ta usa bo informashonnan pa suministrashon di nos servisionan, pues pa aseptashon di bo petishon, investigashon di rísiko, maneho di bo kuenta(nan) i ehekushon di e akuerdo.

WEB ta pasa informashon pa tersera?
Dentro di WEB solamente ta duna e informashonnan optené na huristanan ku a base di nan tarea por haña e informashonnan aki. Akseso direkto na e informashonnan aki ta outorisá solamente na funshonarionan dentro di WEB ku a base di nan funshon tin e outorisashon. Relashoná ku e informashonnan akumulá, WEB ta tuma derecho di sekresia. Si no ta a base di obligashonnan legal, ehekushon di e akuerdo òf outorisashon eksplísito di e kliente, WEB no ta duna informashonnan personal na tersera.

Kon ta protehá mi informashonnan?
Nos ta warda bo informashonnan personal riba ‘server’ den un ambiente sigurá, ku ta ofresé protekshon na entrada prohibí, publikashon i uso di informashonnan dor di sin outorisashon dentro i pafó di e organisashon WEB. Ku esaki ta sigur ku tur bo informashonnan solamente ta aksesibel pa personanan ku a base di nan funshon ta outorisá i ku ta usa e informashonnan solamente pa metanan pa kua a
haña nan i ku esaki pa metanan akordá.

Kuantu tempu ta warda mi informashonnan?
WEB no ta warda bo informashonnan mas largu ku legalmente ta pèrmití i ta nesesario pa yega na e metanan pa kua bo informashonnan ta keda prosesá. Kuantu tempu sierto informashonnan ta keda wardá, ta dependé di e orígen di e informashonnan i metanan pa kua esakinan mester keda prosesá. E tèrmino di wardamentu di bo informashonnan pues por diferensiá.

Aksesibilidat na informashonnan personal
Komo kliente bo tin derecho na aksesibilidat di bo informashonnan personal. Esaki ta enserá ku bo por pidi kua informashon personal di bo ta registrá i pa kua meta ta usa e informashonnan aki. Por hasi un petishon por eskrito pa aksesibilidat na bo informashonnan.

Modifikashon di e stipulashonnan aki
Nos ta mantené e derecho pa modifiká e stipulashonnan aki kada momentu. Nos ta konsehá bo pa konsultá e stipulashonnan privá aki na kada momentu di modifikashon, pa asina pa keda na altura di eventual modifikashon.