Elektrisidat
WEB ta e distribuidó di elektrisidat na Boneiru. Nos ta responsabel pa e ret di elektrisidat i entrega di koriente na kas i kompanianan. Huntu ku partidonan na Hulanda, Estados Unido i region nos ta trahando na e transishon di energia nesesario pa suministro di energia duradero, konfiabel i pagabel.
Produkshon duradero
Produktor di energia ContourGlobal ta produsí koriente na Boneiru for di energia di bientu, energia solar i kombustibel fósil. Naturalesa ta nos poseshon di mas grandi. Usando energia di bientu i energia solar nos ta pone ménos preshon riba nos naturalesa. Tambe nos ta bira ménos dependiente di kombustibel fósil.
Hidden
Hidden
Meskla optimal di energia
E suministro di elektrisidat na Boneiru ta konsistí di un kombinashon di fuentenan di energia renobabel i konvenshonal. ContourGlobal ta produsí elektrisidat ku energia di bientu, energia solar i produkshon diesel, sostené pa almasenamentu di energia den bateria. WEB Bonaire ta responsabel pa distribushon di elektrisidat rònt Boneiru.
Den e último añanan, kapasidat di produkshon di energia renobabel a sigui ekspandé. Banda di e parke di bientu eksistente na Morotin i e instalashon solar na Barcadera, un parke solar na gran eskala a drenta na uso. E parke solar aki tin un kapasidat di aproksimadamente 5,3 MW i ta forma parti di e infrastruktura híbrido di energia di ContourGlobal na Boneiru. Ademas, e sistema tin aproksimadamente 11,1 MW di kapasidat di energia di bientu i 14 MW di almasenamentu den bateria.
E kombinashon di energia di bientu, energia solar, almasenamentu den bateria i produkshon konvenshonal ta hasi posibel pa integrá un porsentahe mas grandi di energia renobabel den e sistema di elektrisidat, miéntras ku na mes momento ta garantisá konfiabilidat di e suministro di elektrisidat.
E transishon energétiko na Boneiru ta sigui progresá. Tin plan pa sigui ekspandé i modernisá kapasidat di produkshon di energia renobabel, inkluyendo renovashon di e parke di bientu di Morotin na 2027.
Sosionan
E kompania Merikano Contour Global ta e produktor di energia na Boneiru, fasilidatnan di produkshon na Karpata, Barcadera i Morotin. WEB ta traha den un kolaborashon estrecho ku e operadó di ret hulandes Stedin, ku ta pone su konosementu i ekspertisia disponibel pa optimalisashon di e ret di elektrisidat na Boneiru.