Servisio pa kliente

Bon biní na e Servisio pa kliente di WEB Boneiru! Den e rúbrika aki bo ta lesa tur kos tokante nos servisio i proseduranan. Pa informashon tokante nos tarifa i kondishon primi aki

Si tòg ahinda bo tin pregunta, òf  ke tuma kontakto personalmente? E tim di Servisio pa kliente ta kla pa sirbi bu!

Hidden

Hidden

Konekshonnan

Aki bo ta haña informashon tokante konekshonnan temporal i definitivo pa awa i elektrisidat. Bo ke hasi konekshon di un instalashon propio pa koriente bèrdè na e ret di WEB? Aki bo ta lesa e reglanan. Bo ta biba den un área di kunuku? WEB gustosamente ta konsehá bo!

Bo no ta doño di e parsela kubo ta hasi petishon pa konekshon? E ora ei kòrda lo siguiente:

  • Sòru pa entregá un apoderashon firmá no mas bieu ku 6 luna i un kopia di prueba di legitimashon bálido di e doño;
  • Den algun kaso mester entregá dokumentonan manera un akto di fayesementu, Buki di famia òf dokumentashon di kuratela!

Download aki e Formulario di petishon Konekshon (pdf).

Hidden

Hidden

Konekshon di konstrukshon

Bo ta bai konstruí? E ora ei bo por pidi un konekshon temporal pa awa i elektrisidat. Pa e konekshon di konstrukshon aki, bo tin ku entregá e siguiente dokumentonan:

  • un akta notarial òf ‘inzage’ por eskrito di Kadaster, no mas bieu ku 1 aña;
  • un pintura kadastral (pintura di situashon);
  • den kaso di un kompania: un inskripshon di Kámara di Komèrsio (KvK), ku stèmpel i firma i no mas bieu ku 1 aña;
  • un prueba di legitimashon bálido ku un potrèt bon visibel;
  • un karchi di kùr pa e konekshon temporal di elektrisidat, yená i firmá dor un instaladó registrá.

Ora bo a entregá e petishon, servisio tékniko di WEB ta inspektá e situashon riba e tereno di konstrukshon. Nan ta determiná si bo ta bin na remarke pa un suministro di awa i/òf elektrisidat.

E gastunan pa parsela, konekshon i trabounan sivil i bòrg ta pa bo kuenta.

Nis pa meternan di awa i elektrisidat

Mester pone e meternan ku WEB ta proporshoná den un nis di piedra òf betòn. Esaki ta obligatorio. WEB sèmper mester di akseso na e meternan pa kontrolá i registrá uzo di e meternan. E nis sinembargo ta protehá e meternan pa influensianan di klima.

Midínan di e nis ta dependé di e kantidat di meternan nesesario. WEB ta ofresé pintura pa 3 tipo di nis: Aki bo por download e pinturanan (pdf):

individual (1 meter di awa i 1 meter di elektrisidat)
dòbel (2 meter di awa i 2 meter di elektrisidat)
sékstuplo (6 meter di awa i 6 meter di elektrisidat)

Konekshon definitivo

A entregá e konstrukshon? E ora ei bo por pidi un konekshon definitivo. Trese e siguiente dokumentonan:

  • un karchi di kùr pa e konekshon definitivo di elektrisidat yená i firmá pa un instaladó registrá;
  • e dokumentonan di bo konekshon di konstrukshon temporal;
  • e dokumento ku e nòmber di kaya i number di adrès ofisial di Entidat Públiko Boneiru (OLB), Directie Ruimtelijke Ordening (DRO);

Kambionan

Kambionan ta konserní establesimentu, mudansa, kambio di adrès i nòmber. Aki bo ta lesa kon bo ta regla e asuntunan aki na WEB.

Ta konserní un parsela ku bo no ta doño dje? E ora ei kòrda lo siguiente:

  • Sòru pa entregá un apoderashon firmá no mas bieu ku 6 luna i un kopia di un prueba di legitimashon bálido di e doño;
  • Den algun kaso mester entregá dokumentonan manera un akto di fayesementu, Buki di famia òf dokumentashon di kuratela!

Hidden

Hidden

Establesimentu

Bo ta bai establesé bo mes na un adrès kaminda ku  tin konekshon di WEB kaba? E ora ei nos ta pidi bo pa notifiká e traspaso di konekshon serka nos i pa entregá e siguiente dokumentonan:

  • un akta notarial òf ‘inzage’ por eskrito di Kadaster, no mas ku 1 aña bieu;
  • un prueba di legitimashon bálido ku un potrèt visibel;
  • e numbernan di meter di awa di bebe i/òf elektrisidat.

Bo ta paga e gastunan pa traspaso i bòrg.

Mudansa

Bo ta muda pa un adrès kaminda tin konekshon di WEB kaba?
E ora ei nos ta supliká bo pa notifiká nos na tempu di e traspaso di awa i elektrisidat i trese  e siguiente dokumentonan:

  • un akta notarial òf ‘inzage’ por eskrito di Kadaster, no mas  ku 1 aña bieu;
  • pa kompanianan: un inskripshon di Kámara di Komèrsio (KvK Boneiru), ku stèmpel i firma i no mas ku 1 aña bieu;
  • un prueba di legitimashon bálido ku un potrèt visibel;
  • e numbernan di meter awa di bebe i/òf elektrisidat di e adrès nobo i e fecha ku bo ta drenta e edifisio/kas;
  • e numbernan di meter awa di bebe i/òf elektrisidat di e adrès bieu i e fecha ku bo ta bandoná e edifisio/kas;
  • informashon di adrès tantu esun bieu komo esun nobo;
  • e formulario yená Formulario di petishon konekshon (pdf).

E gastunan pa traspaso i bòrg ta pa bo kuenta. Bo ta muda riba un dia di trabou di bo adrès bieu pa bo adrès nobo? E ora ei bo no ta paga gastunan di traspaso si:

  • nos tin ku paga bo e bòrg di e adrès bieu ainda i esaki ta igual na e bòrg ku lo bo tin ku paga na e adrès nobo (adaptashon ta posibel);
  • bo a paga tur faktura habrí di e adrès bieu.

Na momentu ku konekshon na e adrès nobo ta riba un otro dia ku ku ta sera na e adrès bieu, e ora ei bo ta paga un bòrg nobo i gastu di konekshon.

Kambio di nòmber

Bo ke hasi notifikashon di un kambio di nòmber por ehèmpel pa motibu ku bo estado sivil òf nòmber di bo kompania a kambia? E ora ei nos ta supliká bo pa entregá e siguiente dokumentonan:

  • un prueba di legitimashon bálido ku un potrèt bon visibel;
  • bo último faktura pa awa di bebe i/òf elektrisidat;
  • den kaso di kambio di estado sivil: un kopia di ekstrakto (uittreksel) for di atministrashon básiko di Ofisina di Registro Sivil (ku stèmpel i firma);
  • den kaso di kambio di dato di kompania: un inskripshon di Kámara di Komèrsio (KvK Boneiru), ku stèmpel i firma i no mas bieu ku 1 aña;
  • e formulario yená Formulario di kambio (pdf).

Kambio di adrès

Bo ke hasi un kambio di adrès riba bo nòmber? E ora ei nos ta supliká bo pa entregá e siguiente dokumentonan na nos bali di informashon:

  • un prueba di legitimashon bálido ku un potrèt bon visibel;
  • bo último faktura pa awa di bebe i/òf elektrisidat;
  • e dokumento ku  nòmber di kaya i number di adrès ofisial di Entidat Públiko Boneiru (OLB), Directie Ruimtelijke Ordening (DRO).
  • e formulario yená Formulario di kambio (pdf).

Kanselá konekshon

Pa kanselá bo konekshon, nos ta invitá bo pa pasa na nos ofisina i trese e siguiente dokumentonan:

  • un prueba di legitimashon bálido ku un potrèt bon visibel;
  • numbernan di meter i  fecha di deskonekshon di awa i elektrisidat;
  • informashon di adrès;
  • pa kompanianan: un inskripshon di Kámara di Komèrsio (KvK Boneiru), ku stèmpel i firma i no mas ku 1 aña bieu;
  • un adrès pa  kaminda por manda e último faktura.
  • e formulario yená Formulario kanselashon di konekshon (pdf).

Apoderashon

Bo ta den eksterior regularmente? Òf pa otro motibu bo ke enbolbí otro persona? E ora ei bo por apoderá un hende pa hasi e tramitenan (legal) na bo nòmber pa regla bo asuntunan di WEB. E apoderado mester ta mas ku 18 aña di edat.
Klientenan menor di edat (mas yòn ku 18 aña), semper mester tin un apoderado.

E apoderashon di un persona ku bo apuntá ta bálido 6 luna. E fecha riba e apoderashon ta determinante. No lubidá di agregá un kopia ku por lesa bon di bo prueba di legitimashon bálido.

Download aki e Formulario di apoderashon (pdf).

Instalashon koriente bèrdè

Bo kier konektá bo mes instalashon di pènel solar òf energia di bientu riba e ret di WEB? Esei ta posibel. Un instalashon asina yamá ‘instalashon di DG’. Ta obligatorio pa registrá i kùr bo instalashon na WEB. Esaki ta konta tambe pa  ekspanshon di instalashonnan di DG.

Dikon? Pa bo propio seguridat i tambe esun di nos. I pa kontinuidat i kalidat di suministro di koriente.
Energia solar i energia di bientu no ta sin riesgo. Ta importante pa WEB tin konosementu di e sitio i grandura di bo instalashon di DG.

Nunka no mag konektá un instalashon di koriente bèrdè ku no a kùr bon riba e ret di elektrisidat. Si bo hasi esaki, tur konsekuensia negativo ta pa bo propio responsabilidat-. Si WEB enkontrá un instalashon no ku no ta bon di kùr, lo deskontinuá entrega di koriente.

Riba e siguiente páginanan bo ta lesa mas tokante e regla i proseduranan pa un instalashon di DG.

Paga tinu!:

  • Bo no por konektá un instalashon di koriente bèrdè na e ret di elektrisidat di WEB ku Pagabon. Pa esei bo mester kambia bo meter di Pagabon pa un meter postpago.
  • Bo kier bai off-grid ku bo instalashon di koriente bèrdè? Pues no ta konektá mas riba e ret di elektrisidat di WEB? Esei por, pero tin gastu mará na dje. Semper konsultá deskonekshon di e ret ku WEB promé.
  • Si bo instalashon di DG tin un kapasidat di mas ku 14 kVA, bo ta obligá di sigui paga WEB e tarifa di uso fiho pa 5 aña largu  despues di deskonekshon.

Hidden

Hidden

Registrashon

  1. Bo ta kliente kaba di WEB i tin un instalashon eléktriko. Riba esei bo ke konektá un instalashon di DG, òf bo ke legalisá un konekshon eksistente.
  2. Bo ke ekspandé bo instalashon di DG eksistente.
  3. Bo ta un kliente nobo na WEB pa un instalashon eléktriko ku un instalashon di DG.

Den tur tres kaso, bo ta obligá pa enbolbí un instaladó registrá. Ora ku bo mes hasi e instalashon tambe, ta nesesario pa un instaladó registrá keda enkargá ku  e plannan rekerí i registrashon pa kùr.

E instaladó ta entregá WEB e dokumentunan rekerí. Web ta evaluá si e petishon ta kompleto. Por sigui un asina yamá ‘estudio di integrashon den ret’.  Ku esaki WEB ta evaluá

E influensia di e instalashon di DG riba tenshon i sobrekarga di e ret di elektrisidat den besindario.

Si e instalashon ta influensiá konfiabilidat òf kalidat di entrega di koriente negativamente, e ora ei WEB por nenga konekshon riba e ret.

WEB ta kontrolá si e instalashon ta kumpli ku e reglanan di konekshon.

Si e petishon ta kompleto i WEB ta di akuerdo, e ora ei ta sigui e kùrmentu.

Detayes tokante registro i kùrmentu bo ta lesa aki (pdf).

Kùrmentu

Despues ku WEB bai di akuerdo e instaladó ta entregá e petishon na Direktorado Supervishon i Mantenshon (DTH) di Entidat Públiko Boneiru. DSM ta hasi e kùrmentu tékniko di siguridat di instalashon di DG, meskos ta e kaso pa instalashon eléktriko.

Despues di risibí e dokumentashon, DTH ta planeá e kùrmentu i ta informá e instaladó i WEB ki dia e kùrmentu ta tuma lugá.

Den kaso ku no kùr e instalashon bon, DTH ta planeá un kùrmentu nobo ku e instaladó i WEB. Despues di aprobashon, DTH i WEB ta firma e karchi di kùr.

Detayes tokante registro i kùrmentu bo ta lesa aki (pdf).

Akuerdo

Si bo instalashon di DG keda aprobá, bo ta drenta un ‘Akuerdo di Interkonekshon di DG’ ku WEB. E akuerdo akí ta obligatorio. Na e firmamentu mester entregá e karchi di kùr firmá òf un kopia di esei.

Despues di firmamentu di e akuerdo, WEB ta pone un meter ku por registrá e entrega bèk di energia. Ta konektá e instalashon riba e ret di elektrisidat.

E teksto di e akuerdo bo por download (pdf) aki.

Entrega bèk

E koriente bèrdè di bo instalashon di DG ku bo no ta usa, ta ser entregá bèk na e ret di elektrisidat. Pa esei bo ta risibí un kompensashon. Esaki ta keda stipulá pa e Ministerio di Asuntunan Ekonómiko. E kompensashon aktual di entrega bèk ta:

  • 5 sèn di dòler pa kilowatt pa ora pa un konekshon ku un kapasidat di maksimalmente 13 kVA.
  • 1 sèn di dòler pa kilowatt pa ora pa un konekshon ku un kapasidat mas grandi ku 13 kVA.

Paga tinu!: Si e kantidat di energia ku entregá bèk ta mas ku e energia ku haña di e ret, bo no ta haña kompensashon pa loke ta mas.

Download aki e  Petishon kompensashon di entrega bèk (pdf) i e Kondishonnan general kompensashon di entrega bèk (pdf).

Instalashon awa di irigashon

For di e instalashonnan di purifikashon di awa di kloaka na Kaminda Lagun un tuberia di liña di awa di irigashon ta kore bai sentro i hotèlnan i komplehonan di apartamento na parti di kosta wèst ku ta konektá riba e liña di awa di irigashon.

WEB ta suminstrá awa di kloaka purifiká komo awa di irigashon na hotèlnan i komplehonan di apartamentu ku e instalashonnan bon di kùr pa esaki. Entretantu na e parti wèst tin 41 meter di awa di irigashon instalá.

Hidden

Hidden

Kondishonnan

Mester kumpli ku algun kondishon pa e suministro di awa di irigashon. Asina mester instalá sistema di irigashon di drep i tankinan speshal.

Registrashon

Esun ku ke risibí awa di irigashon via e tuberia di irigashon por registrá su mes na Directie Ruimte en Ontwikkeling (DRO) of na Beheer Openbare Werken (antes LVV) di  Entidat Públiko di Boneiru.

E departamentu ta situá na Kaminda Lagoen 32, telefòn 717-8836.

Área rural

Un konekshon riba e ret di WEB por lo general no ta posibel den e área rural. Un konekshon speshal di awa i/òf elektrisidat einan ta un invershon muchu grandi pa WEB.

Porta tin un tuberia prinsipal òf un ret di elektrisidat ta kore banda di bo parsela. Den e kaso ei bo por hasi un petishon pa konekshon riba e ret. Posibel kostonan èkstra pa un konekshon asina ta pa bo propio kuenta.

Hidden

Hidden

Trùk di awa

Si konekshon ribe e tuberia prinsipal di awa no ta posibel bo por laga entregá awa ku un trùk. Pa esaki WEB mester tin akseso na bo tereno. Bo ke hasi un petishon pa entrega di awa? E ora ei bo tin ku entregá e siguiente dokumentonan:

  • buki di kunuku; esaki bo ta pidi na Direktorado Espasio & Desaroyo / Directie Ruimtelijke & Ontwikkeling (DRO) di Entidat Públiko Boneiru;
  • un pintura kadastral (pintura di situashon);
  • un prueba di legitimashon bálido ku un potrèt bon visibel.

Off-grid koriente bèrdè

Si konekshon riba e ret di elektrisidat no ta posibel, WEB gustosamente ta konsehá bo tokante otro posibilidatnan. Por ehèmpel un sistema di pènel solar off-grid òf un turbina di bientu. Huntu nos ta yega na e mihó solushon!

Paga tinu!

  • Bo no ta doño di e parsela? E ora ei mester entregá un apoderashon firmá no mas bieu ku 6 luna i un kopia di un prueba di legitimashon bálido di e doño;
  • Den algun kaso mester entregá dokumentonan manera un akta di fayesementu, Buki di famia òf dokumentashon di kuratela!

Instaladónan registrá

Porta ta difísil pa distinguí instaladónan profeshonal di un tiradó di pará. Pa bo siguridat WEB ta usa un lista di instaladónan registrá i paipfeter eksperensiá. E lista anualmente ta ser trahá dor di e Direktorado Supervishon i Mantenshon/ Directie Toezicht en Handhaving (DTH) di e Entidat Públiko Boneiru.

Download e Lista di Instaladó Registrá i Paipfeter Eksperensiá (pdf).

Keho

WEB Bonaire ta pone hopi énfasis na bon servisio. Lástimamente no ta tur ora kos ta bai manera nos ta deseá. Esei ta hopi fastioso, pa abo i pa nos. Bo tin un keho? Por fabor, entregá esaki! Asina huntu nos por solushoná e problema.

Keho di nos klientenan ta yuda nos mehorá nos servisio. Bo pregunta òf remarke tambe ta bon biní! Bo por entregá bo keho digital via e formulario di keho.

Despues ku nos a risibí bo keho, nos ta manda un konfirmashon di resepshon mesora pa bo meil. E periodo di tratamentu di un keho ta maksimalmente 8 siman despues di fecha.

UNKOBON

For di 2013 WEB tin un konvenio ku e bònt di konsumidó UNKOBON (Union di Konsumidó Boneiru). Huntu nos ta traha na transparensia di prestashon di WEB i balorashon di nos servisio pa kliente.

Pa WEB, kliente ta sentral. Nos ta traha kontinuamente na mehorashon di nos servisio pa kliente. Ku e konvenio ku UNKOBON nos ta suprayá e propósito akí. Di e manera aki huntu nos por garantisá e interes di e konsumidó.

SERVISIO PA KLIENTE
BO FAKTURA
PAGABON
AKTUAL
ORARIONAN
INTERUPSHON ✆9215
SERVISIO PA KLIENTE
BO FAKTURA
PAGABON
AKTUAL
ORARIONAN
INTERUPSHON? ✆9215
SERVISIO PA KLIENTE
BO FAKTURA
PAGABON
AKTUAL
ORARIONAN
INTERUPSHON? ✆9215