Tarifa i kondishon

Riba e páginanan aki bo ta haña e tarifanan mas resien di WEB, splikashon tokante e tiponan di tarifa, un instrumento di kalkulashon i kondishonnan di WEB.

Gobièrno di Reino a apuntá (Autoriteit Consument en Markt, ACM) pa stipulá tarifanan pa kubri kostonan pa elektrisidat i awa di bebe. ACM ta investigá i kalkulá kostonan ku WEB i ContourGlobal Bonaire ta hasi pa produsí i distribuí elektrisidat i awa di bebe. A base di esaki dos tarifa di uso ta ser stipulá: un variabel (kada mitar aña) i un tarifa fiho (anual).

Pa sòru ku e tarifanan na Boneiru ta keda pagabel, ta proveé supsidionan di tarifa. Pa awa di bebe pa e

E supsidio aki bo ta haña bèk den forma di un deskuento. Pa esaki wak e lista di tarifanan:

Tarifanan Elektrisidat 1 di yanüari 2024 (pdf)
Tarifana Awa di bebe 1 di yanüari 2024 (pdf)

Tarifanan Elektrisidat 1 di y üli 2023 (pdf)
Tarifanan Elektrisidat 1 di yanüari 2023 (pdf)
Tarifanan Awa di bebe 1 di yanüari 2023 (pdf)

Resúmen di kondishonnan di WEB entrante15 di yanüari 2024

Hidden

Instrumento di kalkulashon tarifanan

Ku e instrumento di kalkulashon aki bou bo por kalkulá e montante di bo faktura di elektrisidat òf awa di bebe fasilmente. E instrumento di kalkulashon ta traha ku e tarifanan mas resien. Na e momentu aki esakinan ta e Tarifanan Elektrisidat 1 di yanüari 2024 i Tarifana Awa di bebe 1 di yanüari 2024

Tarifanan di konekshon

E tarifa di konekshon ta un pago di un biaha ku bo hasi na WEB pa e konekshon nobo riba e ret di elektrisidat i awa di bebe. E tarifanan di konekshon ta:

Awa di bebe (konekshon stándart te ku ½”)
USD 1.191,59 pa un konekshon stándart te ku 25 meter
Elektrisidat (konekshon stándart te ku 3×35 Ampèr)
USD 1.750,19 pa un konekshon stándart te ku 25 meter

Hidden

Depósito Elektrisidat

Konekshon di un-fase/dos –fase/tres-fase pa kapasidat te maksimal 3X35 Ampèr sin èrko/ konekshon di konstrukshon	$ 150.00
Oumento pa èrko	$ 75.00
Konekshon pa kapasidat for di 3X50 Ampèr	Kalkulashon

Depósito Awa

½” / konekshon di konstrukshon	$ 100.00
Mas grandi ku ½”	Kalkulashon

Distansia mas largu

Pa konekshonnan di un distansia di mas ku 25 meter di e ret WEB ta hasi un kalkulashon apart.

Proyektonan

Konekshonnan ku no ta standart, ta konta meskos ku proyektonan. Pa esakinan WEB ta hasi un kalkulashon apart pa e kostonan di konekshon. Si un petishon ekonomikamente no ta responsabel WEB por rechasá e petishon..

Rekonekshon

E tarifanan pa rekonekshon pa elektrisidat i awa di bebe ta USD 40,00 pa konekshon.

Tarifanan di uso

E tarifanan di uso ta montante períodiko (mensual) ku bo ta paga pa elektrisidat i awa di bebe. WEB ta manehá dos tarifa:

E tarifa di uso variabel: Esaki ta basá riba e kostonan pa produkshon di elektrisidat i awa di bebe. E tarifa aki ta meskos pa tur hende: bo ta paga loke ku bo ta usa pa kWh elektrisidat i m3 pa awa di bebe.
E tarifa di uso fiho: esaki ta basá riba e kostonan pa e ret i suministro di elektrisidat i awa di bebe. E montante di e tarifa di uso fiho ta ser stipulá pa e kapasidat di konekshon di bo instalashon di elektrisidat i awa di bebe.

Hidden

Trùk di awa

Pa entrega di awa di bebe ku trùk ta konta un tarifa variabel pa m3. E tarifa fiho i variabel di awa di bebe ta kalkulá den e preis aki.. Pa entregá mester paga delantá.

Pagabon

Usuarionan di Pagabon, e sistema di prepago ta paga un tarifa variabel pa kWh pa kumpra elektrisidat. E tarifa fiho i variabel di elektrisidat ta kalkulá den e prijs aki. .

Un resumen konsiso bo ta haña den nos Glosario di terminologianan Struktura di tarifa (pdf).

Kapasidat di konekshon

E tarifa fiho di uso ta konektá ku e kapasidat di bo konekshon. E kapasidat di konekshon ta indiká kuantu elektrisidat òf awa di bebe por pasa via di e konekshon. Mas grandi e kapasidat di konekshon ta, mas haltu e tarifa di uso fiho.

Pa awa di bebe kasi tur konekshon tin mes un kapasidat: e ‘mitar dùim’. Pa elektrisidat e kapasidat di konekshon ta ser ekspresá den ‘kilovoltampèr’ òf: kVA.

E kantidat di ampèr di e kapasidat di konekshon di elektrisidat ta bai den stap di 25 pa 200:

25 / 35 / 50 / 63 / 80 / 100 / 125 / 160 / 200

E kVA (ampèr x vòltahe) ta duna e kantidat máksimo di elektrisidat ku bo instalashon por risibí. E kantidat máksimo ta e base pa e kalkulashon di e tarifa fiho.

Aki bo por download e tabèl Stipulashon kVA (pdf)

Hidden

Kon mi ta sa kiko mi kapasidat di konekshon ta?

E kapasidat di konekshon bo por mira den bo Kashi di fius Prinsipal (kashi di PZ). E balornan di e fiusnan den bo kashi di PZ mester ta 1 stap mas haltu ku balor di e fius prinsipal di bo instalashon.

Ehèmpel: Bo instalashon tin un fius prinsipal di 50 ampèr. E ora ei WEB ta pone fius di 63 ampèr den bo kashi di PZ. E kapasidat di konekshon e ora ei ta 3x 63 ampèr. Esaki ta determiná e kompensashon pa kosto di ret i ta ekspresá esaki den e tarifa di uso fiho.

Mi kapasidat di konekshon por ser adaptá?

Grandura di bo instalashon eléktriko i e balor di e fius prinsipal ta fuera di e responsabilidat di WEB. Sí bo por pidi WEB pa kontrolá e kapasidat di konekshon. Por ehèmpel si bo mira den e kashi di meter ku e balor di konekshon ta muchu haltu. E ora ei bo mester notifiká WEB.

Kòrda riba lo siguiente:

Huntu ku bo notifikashon bo mester entregá e karchi di kùr i/òf e skema di instalashon di bo instalashon.
Riba tur e dokumentunan menshoná bo number di kliente.
Den kaso ku no tin dokumentashon disponibel WEB ta bin inspektá bo instalashon. Pa esaki ta kobra kostonan pa bin inspektá.

E kapasidat di konekshon no ta kuadra? E ora ei ta sigui un adaptashon tékniko i atministrativo. WEB ta paga bo bèk e posibel tarifa di uso fiho di . Esaki ta konta pa un periodo máksimo di 6 luna.

E kapasidat di konekshon ta kuadra, pero tòg bo ke un adaptashon? E ora ei bo mester buska un instaladó registrá. Despues di e adaptashon ta sigui un kùrmentu di nobo dor di Servisio Supervishon i Mantenshon/ Dienst Toezicht en Handhaving (DTH). E kostonan di e instaladó i pa e kùrmentu di nobo dor di DTH ta pa bo mes kuenta.

Aki bo por download Lista di instaladó Registrá i Paipfitter eksperensiá (pdf).

Despues di e kùrmentu di nobo bo ta mèldu na WEB ku e karchi di kùr nobo. For di e momento ei ta kobra e tarifa di uso fiho ku ta kuadra ku e kapasidat di konekshon nobo. No tin restitushon.