Menu

U bent hier: Home » Tokante nos » Tokante nos

Profil

A funda Water- en Energiebedrijf Bonaire N.V. (WEB) na 1963 i e ta propiedat di Entidat Públiko Boneiru. Komo kompania di multi-utilidat eksklusivo, WEB ta responsabel pa entrega di awa di bebe i koriente duradero, konfiabel i pagabel na mas ku 17.000 kas, empresa i organisashon na Boneiru.

Suministro di awa di bebe i koriente ta kontribuí na e desaroyo duradero di e isla. E poblashon ta kresiendo, turismo ta desaroyando su mes, Boneiru ta un merkado den kresementu. Den e próksimo añanan lo tin ku bai invertí hopi. Esei ta e úniko manera pa hiba konfiabilidat, kostonan pagabel i kalidat di e suministro di awa di bebe i koriente na un nivel elevá ku ta pas na e desaroyo lihé di Boneiru.

E tim di WEB ta konta ku un total di 132 trahadó. Nan ta traha huntu bou di e lema ‘Let’s do it together’, den un realisashon fuerte ku WEB ta di i pa e komunidat na Boneiru.

 

Mishon

WEB ta kontribuí na salubridat públiko, e kapasidat di Boneiru pa para riba su mes pia i un nivel di bida haltu na isla aki. Esei nos ta hasi ku suministro di awa di bebe i energia pagabel, konfiabel i duradero, i prosesamentu di awa di berpùt.

 

Organisashon

WEB ta di i pa komunidat, i ta duna kuenta i rason direktamente na Entidat Públiko Boneiru.

Nos organisashon ta wòrdu manehá pa:

Gerensia:
A. Koolman, CEO
J. Balentien-Nicastia, CFO
G. Scharrenberg, COO

Nos Hunta di Komisario ta supervisá gerensia.

Hunta di Komisario:
J.  van Winkelen (presidente)
G. de Haan
K. Frielink
A. G. Stacie

E tim di WEB ta konsistí di 132 trahadó.

Pa por garantisá un servisio moderno, konfiabel i duradero, WEB tin ku invertí den e fasilidatnan na Boneiru. Efisiensia i ganashi ta indispensabel pa esei, pero ganashi pa nos no ta un meta riba su mes.

 

Relato anual 2018

WEB Bonaire su relato anual abreviá pa aña 2018 ta disponibel pa inspekshon na nos ofisina prinsipal na Kaya Gresia z/n

WEB relato anual 2018