Menu

Profil

A funda Water- en Energiebedrijf Bonaire N.V. (WEB) na 1963 i e ta propiedat di Entidat Públiko Boneiru. Komo kompania di multi-utilidat eksklusivo, WEB ta responsabel pa entrega di awa di bebe i koriente duradero, konfiabel i pagabel na mas ku 8.800 kas, empresa i organisashon na Boneiru.

Parsialmente a enkargá empresanan privá ku produkshon di awa di bebe i koriente. Gradualmente WEB ta bolbe bai tuma esaki bou di su propio maneho. Mas kapasidat pa Boneiru para riba propio pia ta un punto di atenshon importante pa WEB. Na òktober 2015 a inougurá un unidat di desalinisashon nobo pa produkshon di awa di bebe bou di propio maneho.

For di mart 2013 a ekspandé nos servisio ku rekohementu i purifikashon di awa di berpùt, i maneho di e Planta di Tratamentu di Awa Sushi / Waste Water Treatment Plant (WWTP) i entrega di awa di irigashon.

E tim di WEB ta konta ku mas di 110 trahadó. Nan ta traha huntu bou di e lema ‘Let’s do it together’, den un realisashon fuerte ku WEB ta di i pa e komunidat na Boneiru.