Kralendijk, 6 di yüni 2023, – E temperaturanan ekstremo ku ta eksperensiando hopi trempan e aña aki ta sòru pa un demanda haltu di tantu awa komo elektrisidat. Nan ta sòru tambe pa algun kontratempu operashonal den e kompania. Na e momentunan aki tin bateria i parti di e kapasidat di produkshon di bientu for di servisio pa motibu ku hustamente ta poniendo instalashonnan pa ekspanshon di kapasidat di e parke solar nobo.
E interupshonnan di koriente di djaluna 5 di yüni tabata debí na e desaroyonan ariba menshoná. Banda di esei Water- en Energiebedrijf Bonaire (WEB) a eksperensiá 2 interupshon separá riba e mesun kabel den área di servisio na Lagun i besindario.
Segun e pronóstiko di tempu ta spera ku e temperaturanan haltu lo kontinuá. Mas awa i elektrisidat ta ser uzá.
E kòmprèsernan di èrko mester traha mas duru pa por yega na temperaturanan mas abou. Esaki ta kondusí na demanda haltu, pero tambe gastunan haltu pa e konsumidó.
Pa e motibu aki WEB ta duna tep pa tene kuenta ku e diferensia di temperatura pafó i paden ora ku ta ahustá e temperatura di èrko. E tep ta pa no hasi e diferensia entre e temperatura paden i esun pafó mas ku 10 grado.
Duna bo matanan awa parti anochi pa asina nan por apsorbé e awa di un manera mas efisiente. Konsultá nos wèpsait i página di Facebook pa mas tep.
Eskoho inteligente awor ta nifiká faktura di koriente i awa mas abou fin di luna.
