Kralendijk, – 4 di yüni 2025-Water -en Energiebedrijf Bonaire (WEB) ta selebrá un momentu historiko ku e apertura ofisial di su ofisina prinsipal nobo.
Durante e seremonia, CEO di WEB, Sr. Raymond “Roy” Silberie, a enfatisá tres logro importante :
Ekspanshon di e planta di awa di bebe na Hato
WEB a oumentá su kapasidat di produkshon for di 7.200 pa 9.600 meter kúbiko pa dia pa satisfasé demanda kresiente, garantisando asina e suministro konfiabel di awa na Boneiru.
Refuerso di e sub stashon di WEB NOBO
Un proyekto téknikamente avansá, bou di liderato di un team lokal apoyá pa ekspertonan internashonal, pa elevá e kapasidat di distribushon di koriente riba e isla. E instalashon ta operashonal for di mei 2025.
Apertura di e edifisio nobo di WEB
Un espasio moderno i inklusivo, diseñá pa promové komodidat, aksesibilidat i kooperashon entre koleganan i kliente. E edifisio nobo ta un símbolo di e kompromiso kontinuo ku Boneiru.
“E obra aki ta un refleho di nos bista pa futuro i di nos dedikashon pa sirbi Boneiru ku pashon i profeshonalismo,” Silberie a bisa. “Nos ta mashá orguyoso di e kontribushon di tur hende ku a traha riba e proyektonan aki.”
E seremonia a sera ku kòrtamentu di sinta ofisial, realisá pa Sra. Joanne Balentien-Nicastia (CFO di WEB) i Sra. Emelie Martijn (miembro di komishon di supervishon di WEB).
