Kralendijk, 20 di novèmber 2025 – Kompanianan di utilidat di e islanan BES (Boneiru, St. Eustatius i Saba) i e islanan CAS (Kòrsou, Aruba i St. Maarten) ta bini huntu pa un enkuentro spesial i signifikante. E enkuentro aki ta marka e lansamentu ofisial di un evento anual nobo den kua e kompanianan di utilidatnan lo diskutí riba desaroyonan aktual, retonan i oportunidatnan stratégiko.
E promé edishon aki ta organisá pa Water -en Energiebedrijf Bonaire (WEB), ku ta risibí tur e kompanianan partisipante na Boneiru. E inisiativa aki ta pone énfasis riba e importansia di kolaborashon entre e islanan den áreanan manera; energia, awa, sostenibilidat, i inovashon.
E meta di e reunión entre e kompanianan di utilidat ta pa logra akuerdo komun ku por yega na un konvenio formal. E konvenio ta destiná pa fortalesé kolaborashon struktural, stimulá kompartimentu di konosementu i promové progreso kolektivo den e sektornan di utilidat den parti Karibense di Reino Hulandes.
Ku e evento anual aki, e kompanianan di utilidat partisipante ta tuma un gran paso pa konstruí un ret regional mas fuerte, mas resistente, resiliente i mas prepará pa futuro.
