Kralendijk 8 di yanüari 2026 – Water -en Energiebedrijf ( WEB) ta informá públiko, ku for di 9 di yanüari te ku 23 di yanüari lo hasi trabou na e liña prinsipal di awa na Kaya Julio A. Abraham Boulevard, na altura di Nagico i Blue Garden.
E trabou aki ta parti di e ampliashon di kapasidat di suministro di awa di bebe pa e parti sùit di Boneiru. Pa por traha di un manera mas safe, e Kaya lo ta temporalmente mas smal.
WEB ta pidi outomobilistanan en general i chauferunan di vehíkulonan grandi pa tuma nota di e espasio limitá den e área aki.
E kaminda ta keda habrí i lo no sera, pero por tin retraso temporalmente den tráfiko.
