Kralendijk, 1 di desember 2025 –
Water – en Energiebedrijf Bonaire (WEB) ta rekonosé e preokupashon den seno di komunidat di kunukeronan na Boneiru i ke komuniká di un manera transparénte tokante e situashon aki. WEB a tuma nota di e preokupashonnan aki i ta enfatisá ku e awa di bebe ku ta wordu suministrá via trùk di awa ta destiná prinsipalmente pa uso doméstiko. E sistema di distribushon di awa vía trùk no a wòrdu diseñá pa garantisá kapasidat kontinuo pa uso industrial of pa agrikultura spesialisá, manera operashonnan hydroponiko ku tin un demanda grandi, konstante i sensitivo pa awa di bebe.
Nos ta lamentá ku tin konukero ku no a risibi e kantidat di awa desea pa por manente nan kunuku i nos ta komprondé nan frustrashon. WEB tin e responsabilidat pa sigura kontinuidat i disponibilidat di awa di bebe pa tur kunukero di manera igual. WEB ta hasi su maksimo esfuero pa kumpli ke entrega di 3-6 kuub pa kada kunuku ku hasi petishon i si tin disponibildat por entrega mas awa.
WEB kier enfatisa ku:
- Aktualmente, WEB tin 268 kunukero ku ta biba leu for di e ret di distribushon di awa di bebe i ku ta hasi petishon pa risibi awa via trùk.
- WEB tin un kapasidat di entrega di 79 kuup pa dia, ku un total di tres truk di kual un ta di 8 kuup i dos di 6 kuup kada un.
- WEB semper ta perkura ku kada kunukero ta risibí un mínimo di 3-6 kuup konforme e schema semanal ku WEB su truknan ta kore pa kumplí ku nesesidatnan di kunuku. I ora mester hasi mantenshon na e trùknan of si ta eksperensiá difikultat, WEB ta purbá mantené tur kunukero ku awa dor di hasi entrega di e mínimo di 3 kuup, pa asina tur kunukero por tin awa pa uso
- E schema ku WEB ta uza pa reparti awa pa tur e 268 kunukeronan, ta konsistie di esnan ku ta tuma awa riba un base semanal i esnan ku ta tuma awa ora nan mester di esaki.
- Pa uso mas grandi, mester di un otro sistema. Den e kaso ei, e kunukero por konsiderá pa hasi un konekshon di awa vía pipa di awa, ku ta garantisa un suminstro kontinuo i adaptá pa produkshon industrial.
- Kalidat di awa di WEB ta haltu, ta kontrolá regularmente i ta kumplí ku normanan lokal i internashonal pa awa di bebe.
- WEB ta planiando pa aserka e kunukeronan ku te ainda no tin un punto di konekshon pa ku e slang di awa na nan kura, pa instala esaki den un periodo determina. Esaki ta pa garantisa ku WEB por yega i yena bo tanki di awa na tur momentu sin restrikshon of obstakulo i pa asegurá un entrega higiéniko pa tur
E difikultat ku ta surgi no tin relashon ku kalidat di awa, sino ku e kapasidat di distribushon i limitashonnan logístiko, ku ta bira un reto real awor ku e área di kunuku ta eksperensiá hopi desaroyo di bibienda, turismo i industría den un tempu relatiamente kórtiku. Pa ku e reto aki, WEB ta bai hasi invershon den 2026 pa ekspande e kapasidat di entrega ku un total di dos trùk di 8 kuup kada un. Dikon truknan di 8 kuup, pasobra esaki ta mas fasil pa maniobra den areanan leu di kunuku.
WEB ta kolaborá ku OLB pa yuda buska solushonnan struktural pa sektor di agrikultura.