Kralendijk 11 di Sèptèmber – WEB Boneiru ta informá komunidat ku djasabra, 13 di sèptèmber 2025, trabounan di kobamentu lo tuma lugá den área di Hato.
E trabounan aki ta forma parti di proyektonan andando ku tin komo meta mehorashon i refuerso di nos ret di distribushon di koriente, segurando un servisio ainda mas konfiabel pa nos klientenan.
E trabounan di kobamentu lo ser realisá serka di infrastruktura nan vital pa WEB i ta spera di keda kla riba e mesun dia.
Klientenan di WEB lo no eksperensia interupshon den suministro di koriente.
Nos ta pidi komprenshon públiko miéntras e trabounan importante aki ta andando, ya ku nan ta representá un paso mas pa un servisio di utilidat mas fuerte i sostenibel pa Boneiru.