Kralendijk, 10 di novèmber 2026 – Water- en Energiebedrijf Bonaire (WEB) a restourá e suministro di koriente despues di un interupshon den e ret di koriente. Pa lokalisá e kousa di e interupshon i solushoná e problema di un manera sigur, WEB a hasi diferente prueba tékniko i mester a skakel. Komo resultado, e suministro di koriente a keda interumpí temporalmente den vários bario na Boneiru.

Investigashon i trabounan di reparashon

 Na momento ku a detektá e interupshon, e timnan tékniko di WEB a kuminsá mesora ku e investigashon pa lokalisá e kousa. Pa medio di  tèst nan tékniko, WEB a logra identifiká i isolá e fayo.

Pa por realisá e trabounan di reparashon nesesario di un manera sigur, WEB a ehekutá un skema di skakel. Esaki a enserá interupshon plania na diferente parti di e ret di koriente pa por solushoná e problema di un manera kontrolá.

Interupshon temporal di koriente den vários bario

 Komo resultado di e operashonnan di skakel, e suministro di koriente a keda interumpí temporalmente den vários área di Boneiru.

E interupshonnan temporal tabata nesesario pa por realisá e trabounan di un manera sigur i kontrolá, i pa evitá mas interupshon den e ret di koriente.

 Suministro di koriente restourá

 Despues ku e trabounan a finalisá, WEB a restourá e suministro di koriente i e ret di koriente ta funshoná normalmente atrobe.

WEB ta sigui monitoriá e situashon di serka pa garantisá stabilidat i konfiabilidat di e suministro di koriente.

WEB ta gradisí tur habitante i negoshi ku a keda afektá pa e interupshon di koriente pa nan komprenshon i pasenshi. Tambe WEB ta ekspresá su apresio pa e esfuersonan di su personal tékniko ku a kontribuí na e restourashon di e suministro di koriente.