Kralendijk, 29 sèptèmber 2026 – Water -en Energiebedrijf Bonaire N.V. (WEB) ta anunsiá ku lo apliká un deskuento adishonal riba e tarifa variabel pa uso di elektrisidat (kWh).
Entidat Públiko di Boneiru (OLB) a pone un montante di USD 6 mion disponibel komo supsidio di tarifa pa e tarifanan variabel di elektrisidat. E supsidio aki ta wòrdu prosesá komo un deskuento adishonal riba e tarifanan variabel eksistente.
E motibu dikon a fasilitá e fondonan aki ta basá riba e importansia di energia pagabel, mantenshon di forsa di kompra i protekshon di siguridat di eksistensia di e habitantenan di Boneiru.
Pa klientenan post-pago, e supsidio ta wòrdu prosesá den e tarifanan pa e último kuater lunanan di konsumo di 2026. Pa klientenan pre-pago, un deskuento relativamente mas haltu ta wòrdu apliká durante e último tres lunanan di aña.
Efekto pa klientenan pos-pago
E supsidio di OLB ta nifiká un deskuento di USD 0.1097/kWh. Esaki ta baha e tarifa variabel di uso di 0.5021/kWh pa USD 0.3924/kWh.
E deskuento aki ta pa e próksimo fakturanan :
Luna di konsumo kuminsando sèptèmber 2026; faktura ta wòrdu mandá den òktober 2026
Luna di konsumo kuminsando òktober 2026; faktura ta wòrdu mandá na novèmber 2026
Luna di konsumo kuminsando novèmber 2026; faktura ta wòrdu mandá na desèmber 2026
Luna di konsumo kuminsando desèmber 2026; faktura ta wòrdu mandá na yanüari 2027
Tuma nota: Mayoria di e klientenan ainda mester risibí un faktura ku ta trata prinsipalmente e konsumo di luna di ougùstùs. Riba e faktura aki, ku lo wòrdu mandá na final di sèptèmber, e deskuento no a keda prosesá ainda.
Pa motibu ku un parti di e klientenan a risibí un faktura ku ta trata e konsumo di luna di ougùstùs kaba, WEB, konforme palabrashon, a prosesá e supsidio pa klientenan post-pago pa e último kuater lunanan di konsumo di aña 2026.
Klientenan post-pago lo mira e deskuento pa promé biaha riba nan faktura ku ta trata prinsipalmente e konsumo di luna di sèptèmber.
Efekto pa klientenan pre-pago (Pagabon)
E supsidio di OLB ta nifiká un deskuento di USD 0.1463/kWh (*). Esaki ta baha e tarifa di Pagabon di USD 0.6642/kWh na USD 0.5179/kWh.
E deskuento aki ta konta pa e siguiente periodo:
- 1 di òktober 2026 te ku 31 di desèmber 2026.
(*) Klientenan di Pagabon ta risibí durante e periodo aki, pa kWh 33% mas deskuento ku klientenan post-pago. Esaki ta pa motibu ku e deskuento pa Pagabon ta konta durante un periodo diferente.
