Kralendijk, 29 di yüli 2025 – E tarifa fiho pa koriente i awa di bebe pa konekshonnan chiki lo wòrdu redusí entrante 1 di ougùstùs 2025. Konsekuentemente, e tarifa pa koriente basá riba Pagabon tambe lo wòrdu redusí.
Den e nota di primavera, e gobièrnu Hulandes Europeo a establesé montantenan adishonal pa supsidiá e tarifa fiho pa koriente i awa di bebe komo parti di un mehorashon di poder di kompra. E montantenan aki ta destiná pa redusí e tarifa fiho pa konekshonnan di koriente te ku 3*50 Ampèr (*) (un redukshon di USD 14.16 pa luna) i konekshonnan di awa di bebe ku un tamaño di 1⁄2 inch (un redukshon di USD 16.34 pa luna). Pa e tarifa di koriente basá riba Pagabon, esaki ta nifiká un redukshon di USD 0,0680 pa kWh.
A base di esaki, e siguiente tarifanan nobo ta apliká entrante 1 di ougùstùs 2025:
Koriente
Tarifa di uso fiho te ku 3*35 Ampèr : USD 29.63 pa luna
Tarifa di uso fiho 3*50 Ampèr : USD 74.20 pa luna
Tarifa di Pagabon (prepago) : USD 0.4492 pa kWh
Awa pa bebe
Tarifa di uso fiho te ku 1⁄2 inch : USD 0.00 pa luna
E kambio den e tarifa di uso fiho lo wòrdu reflehá riba fakturanan kuminsando ku e periodo di uso ku un fecha di inisio di konsumo na ougùstùs 2025. Pa usuarionan prepago (Pagabon), e tarifa ahusta lo ta visibel mesora kuminsando 1 di ougùstùs 2025.
E blachinan kompleto di tarifa di koriente i awa di bebe entrante 1 di ougùstùs 2025, por wòrdu hañá na www.webbonaire.com
