Kralendijk, 26 di yüni 2025 – E tarifanan di koriente variabel lo wòrdu oumentá ku USD 0.0084 pa kWh entrante 1 di yüli 2025. Esaki ta resultado di un oumento leve den gastunan di kombustibel pa produkshon di koriente.
Tarifa di uso di koriente variabel
E gastunan di kombustibel ku Contour Global Bonaire (CGB) ta hasi pa produkshon di koriente ta pasa pa klientenan di Water- en Energiebedrijf Bonaire N.V. (WEB) direktamente sin margen. E preis di kompra pa e kombustibel aki a oumentá un poko kompará ku e tarifa di promé di yanüari 2025.
Pa protehá e konsumidónan, e tarifanan aki ta ser stipulá dor di Autoridat di Konsumidó i Merkado (ACM) a base di e Lei di BES Elektrisidat i Awa di Bebe. Desaroyonan di gastu por kondusí na un tarifa di uso di koriente variabel ahustá pa ACM dos biaha pa aña, esta riba 1 di yüli i 1 di yanüari. ACM a desaroyá un modelo pa e ahustenan aki di kua e resultado – un oumento di USD 0.0084 pa kWh entrante 1 di yüli 2025 – a ser stipula riba 19 di yüni 2025.
A base di esaki, e siguiente tarifanan nobo di koriente variabel lo ta aplikabel entrante 1 di yüli 2025:
Tarifa di uso variabel (post-pago) : USD 0.3220 pa kWh
Tarifa di Pagabon (prepago) : USD 0.5172 pa kWh
E kambio den e tarifa di uso variabel lo ta visibel riba fakturanan for di e periodo di konsumo ku un fecha di inisio di konsumo na yüli 2025. Pa usuarionan pre-pago (Pagabon), e tarifa ahusta lo ta visibel mesora for di 1 di yüli 2025.
Bo por haña e lista kompleto di tarifnan pa elektrisidat ku ta valido for di 1 di yüli 2025 na: www.webbonaire.com
