Kralendijk, 29 april 2025 – den e periodo di 1 Mei te ku 22 di Mei 2025, Water- en Energiebedrijf Bonaire (WEB) ta hasi un investigashon tokante kalidat di servisio pa loke ta trata awa i koriente na Boneiru. WEB Bonaire ta invitá komunidat di Boneiru pa partisipá i laga tende bo opinion.
Meta di e investigashon
Ku e investigashon aki WEB ke haña un bista di e persepshon i satisfakshon di klientenan i kon e servisio i komunikashon na e kliente por ser optimalisá. Basá riba e resultadonan di e investigashon WEB por saka afó kua aspektonan mester di atenshon i ki mehorashonnan konkreto mester ser implementá pa por garantisá e kalidat di servisio deseá. Tambe WEB Bonaire ke haña un bista di eksperensia i deseonan di abitantenan tokante produktonan duradero.
Lista di pregunta digital
Bo por skèn e kódigo QR aki ku un telefòn móbil pa por haña akseso na e lista di pregunta digital miéntras bo ta warda na kaha òf na balie di informashon di nos edifisio nobo na Kaminda Djabou 35.
Por haña e lista di pregunta tambe riba www.webbonaire.com/survey i facebook.com/webbonaire for di 1 di mei te ku 22 di mei 2025.
WEB Bonaire di antemano ta gradisí abitantenan pa nan partisipashon i kontribushon na futuro di e suministro di awa i koriente na Boneiru.
Pa mas informashon por tuma kontakto ku nos departamentu di servisio na kliente via 715-8244 òf info@webbonaire.com.
Skèn e QR-code pa yena e enkuesta:https://bit.ly/SurveyWEB_PAP
