Kralendijk, – 10 yanüari 2024 – Water- en Energiebedrijf Bonaire (WEB) kier a informá e komunidat Boneriano i personanan di interes tokante e interupshonnan di koriente resientemente. Dia 9 di yanüari nos a eksperensiá un “black out” pa motibu di problemanan tékniko na e sentral di energia di Contour Global (CGB) na Karpata, ku ta den investigashon.
Partikularmente, riba dia 9 di yänuari, pa 12.38 pm a surgi un interupshon di koriente inesperá ku a afektá henter e isla. Téknikonan di WEB i CGB a reakshoná rápido i traha duru pa por a resolvé i repará e suministro di koriente.
Despues di a restablesé e suministro di koriente kompletamente riba e isla, e timnan tékniko di WEB i CGB a traha huntu pa detektá e kousa di e akontesimento desafortuná aki. Un investigashon bon i profundo ta importante pa tur esnan konserní.
Esaki ta e motibu ku WEB i CGB a kuminsá ku un komishon pa analisá i presentá rekomendashon pa garantisá konfiabilidat di e sistema di energia.
WEB i CGB ta komprometé na brinda suministro di energia konfiabel, sin interupshon. Nos ta rekonosé e importansia krusial di elektrisidat pa Boneiru i ta invertí aktivamente den mehorashon di infrastruktura i ta ekspandé e kapasidat di produkshon pa medio di fuentenan konvenshonal i renobábel pa por sigui kumpli ku e demanda kresiente di elektrisidat. E inisiativa tin komo metá pa stimulá suministro di koriente mas resiliente pa e isla.
Siña di e insidentenan aki ta un prioridat pa nos. Nos ta implementá e medidanan nesesario pa evitá futuro interupshon i nos ta keda dediká nos mes na brinda suministro di koriente di kalidat haltu, ku énfasis riba konfiabilidat i stabilidat di e suministro di koriente di Boneiru.
Nos ma sinsero diskulpa pa e inkombeniensia okashoná dor di e interupshon resientemente. Nos ta gradisí nos klientenan pa nan pasenshi i komprenshon durante e momentunan desafiante aki.
Banda di esei nos ta ekspresá nos gradisimentu na nos tim tékniko ku nan esfuerso inkansabel ku tabata krusial na momentu di resolvé e suministro di koriente.
