Kralendijk, 4 di sèptèmber 2023 – Water- en Energiebedrijf Bonaire (WEB) a alkansá un paso importante pa loke ta trata konstrukshon di e ofisina prinsipal na Kaminda Djabou.
Esaki tabata motibu pa selebrashon djabièrnè último pa gerensia i empleadonan di WEB. Otro for di e tradishon lokal, e CFO di WEB, señora Joanne Balentien Nicastia a basha biña i serbes sin alkohòl riba e punto di mas haltu.
Konstrukshon di un ofisina prinsipal nobo ta un tarea importante. E kontratista lokal BONNED a logra adelanto konsiderabel den e proseso di konstrukshon i a alkansá e punto di mas haltu di e edifisio siman pasá.
E proyekto di konstrukshon ta mustra esfuerso di WEB pa kresementu i desaroyo riba e isla di Boneiru. Finalisashon di e ofisina prinsipal nobo lo tin diferente bentaha kuné, entre nan e ta brinda espasionan di trabou sosteníbel i efisiente pa empleadonan, oumentá efisiensia operashonal i mihó aksesibilidat pa klientenan.
