Kralendijk, 9 di sèptèmber 2022 – Debí na e kalor ekstremo ta rekomendabel pa hasi uso konsiente di koriente. Water -en Energiebedrijf Bonaire (WEB) ta rekomendá klientenan pa limitá nan konsumo di elektrisidat mas tantu posibel e temporada aki.
Temperatura moderá
Nèt den e temporada di aña kalor aki klientenan ta konta ku nan èrko pa mantené temperatura fresku. Un malkomprondementu komun ta ku un espasio ta fria mas lihé si e tèrmostat ta abou, por ehèmpel na 16 grado. Esaki no ta bèrdat!
Ta dura mesun tantu pa fria e espasio te ku 25 grado. Probablemente bo no tin mester di 16 grado; ora ta trata di un temperatura di 40 grado pafó, 25 grado ya ta konsiderablemente fresku.
Mas friu no ta mihó
Na momentu ku bo konfigurá un temperatura mas abou, e kòmprèser di bo èrko ta traha mas largu. Esei ta nifiká: mas uso di koriente. Si bo konfigurá un temperatura mas haltu, e kòmprèser ta traha ménos. Esei ta nifiká: ménos uso di koriente i ménos preshon riba e ret élektriko.
Spar bo koriente, sèn i kapasidat
Tene e temperatura di bo èrko na un nivel moderá. Bo ta spar riba uso i bo faktura di koriente.
WEB ta gradisí bo pa e komprenshon i koperashon.
