Kralendijk, 18 di mei 2022 – Water- en Energiebedrijf Bonaire (WEB) ku plaser ta anunsiá konstrukshon di su ofisina prinsipal nobo. E edifisio lo ser konstruí riba un tereno bashí na kaminda Djabou. Denter di poko lo kuminsá ku e kontratashon públiko.
E urgensia pa un ofisina prinsipal nobo ta eksistí pa basta tempu. E konstrukshon originalmente mester a start na 2018. Pa motibu di otro prioridatnan, WEB mester a posponé e plannan. Nos a duna prioridat na implementashon di e legislashon pa awa di bebe i elektrisidat, konstrukshon di planta di awa nobo, tanki di reserva na Seru Largu i e renobashon i ekspanshon di e sistema di riol na Belnem i Hato.
E ofisina prinsipal di WEB ta bira un edifisio funshonal ku elementonan sosteníbel i ekonomiko.
Lokalidat sentral
E lokalidat na Kaminda Djabou ta sentral i ta den serkania di e planta di awa nobo na Hato. E kantor lo ser integrá kuidadosamente na e sitio. WEB ta aspirá pa un ofisina prinsipal logístiko efisiente ku fasilidatnan mas amplio i sufisiente kapasidat di kresementu.
Segun planifikashon, lo hasi entrega di e ofisina prinsipal nobo na 2024. WEB lo anunsiá tur detayenan na momentu ku finalisá e proseso di kontratashon públiko. Segun espektativa esaki lo tuma 3 pa 4 luna pa kaba kompletá.
Nos ta tene bo informá.
