Kralendijk, 12 di mei 2022 – Water- en Energiebedrijf Bonaire (WEB) komo supervisor di e proyekto di 10 EDF gustosamente ta informá bo tokante e trabounan di konstrukshon i reparashon na ekspanshon di e sistema di kloaka den Belnem. E trabou na e proyekto di 10 EDF ta den fase final.
Mientras tantu e stashon di vacüm nobo na Kaya Saturnus ta operashonal. E sistema di kloaka a ser ekspandé di tal forma ku un kantidat grandi di hotèl a keda konektá resientemente. Rondó di Resort Bonaire, Delfins i Lighthouse Beach Resort no tin molèster di holó, awa sushi riba superfisie òf pòmptrùknan di awa sushi.
Apesar ku tur medida adekuá i razonabel a keda tumá, e trabounan di reparashon no ta kanando segun planifikashon. Debí na sirkumstansianan imprevísto di parti di e proveédor, no tabata posibel pa e kontratista drecha e kaminda i pone esaki den su estado original bèk. Esaki tin tur e atenshon di parti di e tim di proyekto.
E ekspanshon di e sistema di kloaka ta un stap importante den e ambishonnan di OLB pa medio ambiente, salú públiko i bienestar di personanan na Boneiru. Nos ta konsiente di e inkombeniensia ku e ehekushon di e proyekto di 10 EDF ta trese kuné. Na tur persona enbolbí: danki pa bo komprenshon i pasenshi!
