Kralendijk, 21 di febrüari 2022 – Djasabra 19 di Febrüari alrededor di 12:04 di mèrdia Boneiru kompleto a eksperensia un “Blackout”.
Den oranan di mainta (11:09) a surgi un interupshon di koriente den diferente bario na Boneiru. Pa 12:04 un “Black Out“ a keda konfirmá. Esaki a pone ku henter e isla a keda sin koriente.
Durante oranan di atardi, WEB a logra restablesé suministrashon di koriente den vários área na Boneiru.
E interupshon ku a provoká e “blackout” a keda kousá pa motibu di un fayo den e unidat di produkshon na Contour Global Bonaire (CGB). WEB i CGB huntu a kuminsá ku un investigashon pa yega na e origen di e interupshon.
Pa 4or di atardi WEB a inisiá ku e proseso di re-konekshon despues ku CGB a konkluí su investigashon i e unidatnan di produkshon tabata operashonal bèk.
WEB i CGB ta pidi nan diskulpa pa e inkumbiniensia ku esaki por a trese kuné.
