Trabounan di kobamentu na Kaya Gobernador N. Debrot: Tene kuenta ku desvio di ruta , tempu èkstra i kore trankil!

Kralendijk, 1 aprel 2021 – Water- en Energiebedrijf Bonaire (WEB) ta hasi un apelashon na outomobilistanan pa tene kuenta ku e tráfiko, den Kaya Gobernador N. Debrot ta wantá temporalmente. E trabounan di kobamentu pa e liñanan di irigashon ta trese desviashon i tempu di kore èkstra.

Nos ta konsehá tur hende ku por uza rutanan alternativo, pa hasi esaki i evitá molèster. E rutanan alternativo ta ser señalá pa medio di bòrchinan. Durante e trabounan riba karetera e situashon di tráfiko ta diferente. Por fabor kore trankil. Baha bo velosidat durante e trabounan riba karetera. Asina ta mantené kareteranan seif tantu pa usuarionan i trahadónan.

Kaya Grandi lo sigui será temporalmente.  Esaki ta debí na problemanan tékniko serka un suministradó, pe es motibu no por habri Kaya Grandi di un manera kompleto i seif na e momentunan aki.

WEB ta gradisí bo pa bo komprenshon.