Menu

U bent hier: Home » Tokante nos » Responsabilidat sosial » WEB su Bespaarspel

WEB su Bespaarspel

Siña ekonomisá na un manera plasentero
WEB ta konsiderá di suma importansia pa públiko preokupá riba uzo konsiente di awa di bebe i elektrisidat. Nan no tei riba nan mes. I nan ta kosta plaka.

Muchanan di awe ta e klientenan di mañan. Ku e Bespaarspel WEB ta kuminsá na e base: muchanan ta bira konsiente di e balor ku awa di bebe i elektrisidat i ta siña spar na un manera lukrativo.

Di tèst dor di e muchanan
E Bespaarspel di WEB ta un wega di mesa pa grupo 3 te ku 8 di edukashon básiko. Tur parti di e wega a wòrdu  trahá na midi, apto pa mucha i gran parti produsí na Boneiru.

Despues di sekshonnan di interkambio di ideanan entre WEB Communications i Deviate Deviate Design un prototipo a wòrdu diseñá. A tèst esaki ku grupo 3 i 4 di Kolegio Kristu Bon Wardador i grupo 7 i 8 di Bassisschool Aquamarin. Den e vershon definitivo a inkluí e komentarionan di e muchanan.

Lokalmente produsí
WEB a konsedí mayoria parti posibel di e spèl na produktornan lokal. Por ehèmpel, Carpenteria Statia a produsí e partinan di power blocks, awa blocks, kasnan, kahanan i bòrchinan pa e wega.

Grabashon di e diverso elementonan pa e wega a wòrdu hasi dor di SML Concepts na Nawati. Tambe nan a desaroyá e flip-coins i Webbies i a proporshoná e instalashon final di e bòrchinan pa e wega.

Pa imprentanan téknikamente eksigente tabatin mester di un spesialista na Hulanda: drukkerij Trepiko na Nijkerk. Cavalier Logistics a sòru pa un transportashon lihé pa Boneiru.

Lansá na un manera festivo
Riba 23 di febrüari 2018 WEB su Bespaarspel pa medio di ekiponan di promoshon di WEB a hibá 15 spèl na e 8 skolnan básiko riba Boneiru. E dosentenan, ku komo ‘WEB Meester’ ta e lidernan di e spèl, a wòrdu instruí adelantá. E ekiponan di promoshon a pone e wega kla i ekiponan di kámara a filma e promé biaha ku e muchanan a hunga e spèl.

E entusiasmo, e alegria i e kompetensia kontagioso entre ekiponan tabata maravioso pa mira. WEB ta deseá pa enfoká riba un desaroyo mayó di e Bespaarspel i konsientisashon riba awa di bebe i elektrisidat den e generashon nobo.