Menu

U bent hier: Home » Tokante nos » Historia

Historia

Ya pa mas ku 50 aña WEB ta traha pa komunidat Boneriano. Nos ta duna bo un kuadro sinóptiko di e puntonan kulminante den nos historia:

1955
Overzeese Gas- en Elektriciteitsmaatschappij (OGEM) ta kuminsá ku su aktividatnan na Boneiru.

1963
Ta lanta Dienst Water Distributie (DWD).

1978
DWD i OGEM ta sigui huntu bou di un nòmber nobo: Water- en Energiebedrijf Bonaire N.V.

1998
Produkshon di awa di bebe na Boneiru – e planta di awa na Hato – pa un parti grandi ta pasa pa ‘osmósis inverso’ , un teknologia ku a desaroyá medio añanan ’90 pa desalinisashon di awa di laman. Promé ku e tempu ei tabata desalá awa di laman via prosesonan térmiko kaminda awa di berpùt kayente ku konsentrashon haltu di salu, tabata sali liber. Osmósis inverso ta mas duradero i mas efisiente.

2007
WEB ta hasi un prueba ku elektrisidat ‘prepago’ na 35 kas den e bario Amboina. Esei a bira un éksito: paga delantá i por sigui presis uso di koriente, ta algu ku hopi hende a gusta. Entretantu mas ku 1500 kliente ta hasi uso di e sistema di prepago ‘Pagabon’.

2009
WEB ta haña koriente ‘bèrdè’ di e parke di energia di bientu na Morotin. Na 2013 Ecopower a konstruí e parke aki i na 2013 Contour Global a tuma esaki.

2013
A konstruí e promé instalashon di purifikashon di awa di berpùt (AWZI) na Boneiru. E instalashon ta purifiká awa di berpùt ku ta bini di berpùt i tanki séptiko. WEB ta responsabel pa eksplotashon.

2014
WEB ta bai eksplotá e di dos instalashon di purifikashon di awa di berpùt i e infrastruktura di kolekshon huntu ku esaki, Waste Water Treatment Plant (WWTP) pa Bonaire Sewerage & Sanitation System (BSSS).
Un unidat di produkshon nobo na e planta di awa na Hato ta hisa e kapasidat di awa di bebe na 4800 m3 pa dia. Promedio di uso na 2014 tabata di  4400 m3 pa dia.

Un di tres punto di benta di krédito di Pagabon ta wòrdu habri, esta kantor Rincon. Durante promé i último siman di luna e kantor aki ta habri pa abitantenan di Rincon.

Ku aprobashon di Kolegio Ehekutivo (Entidat Públiko Boneiru) WEB ta baha tarifa di elektrisidat ku 2 sèn di dòler.

Despues di 28 aña un logo nobo di WEB ta wòrdu lansa i ku un identidat korporativo nobo i website presentá na trahadónan, partinan interesá i públiko.

Entrega di un kontrakt públiko pa pone dos liña di awa a wòrdu duna na Boneriaanse Wegenbouw Maatschappij (BWM) i Curaçaose Wegenbouw Maatschappij (CWM)

2015
Ku aprobashon di Kolegio Ehekutivo (Entidat Públiko Boneiru) WEB ta baha tarifa di elektrisidat ku 2 sèn di dòler.

Kantor prinsipal di WEB ta muda temporalmente di Kaya Carlos A. Nicolaas 3 pa Kaya Gresia s/n.

Riba enkargo di WEB, Piloto Solar Barcadera ta kuminsá. Ku e instalashon aki di prueba di 792 pènel solar, diseñá i entregá pa Oskomera Power Solutions di Hulanda, nos ta investigá rendimentu i efekto di un instalashon sentral pa energia solar riba e ret di elektrisidat.
WEB su Waste Water Treatment Plant (WWTP) ta prosesá e di 300 lote di awa di berpùt. Awa di irigashon, ku ta kumpli ku e normanan establesí dor di Entidat Públiko Boneiru, ta wòrdu entrega dor di LVV di EPB na kunukeronan.

Den e marko di polítika di patrosinio WEB ta e spònser mayó di Asosiashon deportivo VESPO di Rincon. WEB ta apoyá e asosiashon riba un base finansiero pa kontinuá ku desaroyo deportivo.

Ta bolbe ekspandé e produkshon di awa di bebe na Hato. Ku un unidat di desalinisashon nobo, WEB ta produsí riba su mes 1.600 m3 di awa di bebe pa dia. E kapasidat di produkshon total ta yega ku esei na 5.600 m3 pa dia.

WEB su servisio di interupshon ya tabata 24 ora pa dia, 7 dia pa siman alkansabel. Hasiendo e number di telefòn 9215 grátis WEB ta ekspandé su servisio na klientenan.

WEB i fondo di penshun Vidanova ta firma un akuerdo finansiero nobo. E akuerdo ta, huntu ku e areglo di penshun nobo i moderno, adaptá na polítika di personal edat konsiente di WEB i ta brinda trahadónan mas libertat di eskoho pa nan mes por determiná nan penshun.

2016
Supermerkado Van den Tweel ta e di kuater punto di benta di Kredito di Pagabon.

WEB i instituto di konosementu TNO Caribbean a firma un akuerdo marko pa sosten tékniko i ekonómiko ku ekspanshon di e kapasidat di produkshon di elektrisidat.

Riba 1 di juli e lei nobo Wet Elektriciteit en Drinkwater BES a drenta na vigor. E lei ta regulá diferente aspekto di e produkshon i distribushon di elektrisidat i awa na Boneiru.

E Waste Water Treatment Plant (WWTP) ta prosesá e di 1000 lote di awa di berpùt. Ku esaki WEB a alkansá un produkshon di mas di 276.050 m3.

E tarifa di elektrisidat pa individuonan a wòrdu rebaha dos biaha sumando un total di 4 sèn di dòler.

Trahadónan di WEB ta trein nan abilidatnan digital na e instituto di formashon lokal SkillsProf ku e asina yama European Computer Driving Licence (EDCL).

2017

Ku nombramentu di un Direktor Finansiero nobo WEB su direktiva di dos direktor ta bolbe wòrdu kompletá.

28 trahadó di WEB ta gradua pa e entrenamentu di bedrijfshulpverlener. Pa medio di esaki e promé parti di entrenamentu di sertifikashon EHBO/Reanimashon/AED pa e BHV a wòrdu klousura ku éksito.

Fedebon i WEB a alarga e Akuerdo Kolektivo (CAO) aktual te ku 31 di desèmber 2019.

E pakto entre UNKOBON i WEB for di 2013 a wòrdu aktualisá. E interesnan di e konsumidónan i ku dor di WEB a wòrdu hiba i proponé lo wòrdu diskutí kuater biaha pa aña.

Direktorado di Supervishon i Orden (DTH) di Entidat Públiko Boneiru i WEB a presentá un karchi di inspekshon di instalashon di koriente nobo na instaladonan rekonosí na Boneiru.

Sportvereniging Vespo di Rincon i spònser prinsipal WEB ta prolongá akuerdo di spònser.

WEB i Operators Group Delft (OGD) ta sera un kontrato di dos aña pa sosten di ICT.
Bondigro ta e di dos empresa na Boneiru ku a sigui ku éksito e prosedura di WEB pa un instalashon di PV. Esaki ta resultá den un akuerdo di interkonekshon pa instalashon di pènel solar.

Kooyman BV ta firma komo di tres empresa e akuerdo di interkonekshon pa instalashon di pènel solar ku WEB.

WEB ta kambia orario di su ofisina prinsipal i su ofisina na Rincon pa mehorá efisiensia di servisio pa kliente.