Menu

U bent hier: Home » Spar » Ekonomisá elektrisidat

Ekonomisá elektrisidat

Dor di hasi uso di aparatonan eléktriko (ku ta spar energia) di manera efisiente, bo por ekonomisá riba e kuenta di koriente konsiderablemente. Asina ku un wasmashin yen bo ta ekonomisá hopi sèn en bes di un wasmashin mitar yen pa un famia di dos yu. Banda di esei,  puntra bo mes ku den nos klima kalor tin nesesidat di sekante di paña.

Ademas, tin mas kos ku por ekonomisá riba dje! Dor di paga mas tantu aparato eléktriko ku ta posibel na lugá di laga nan riba ‘stand-by’, bo por redusí uso di koriente konsiderablemente. Por pensa por ehèmpel riba e kargadónan di telefon, telefon di beibi, kòmpiuter i skeiru di djente.

Bo ta konsiente tambe ku aparatonan ku mester keinta, manera ‘microwave’, wea di koriente pa herebé aros, heru di strika i aparatonan di seka kabei ta hala hopi koriente? I bo tabata sa ku stòfzùiger ta un di e aparatonan ku ta hala mas tantu koriente?

Peranan di lus tradishonal ya no ta disponibel, en kambio tin mas i mas lampi di spar. Peranan di lus di LED ta mas ekonómiko ainda den uso ku peranan di lus di spar. Nan ta usa 85% ménos energia ku un pera di lus tradishonal komparabel. Ademas nan tin un durashon ku ta 50 bia mas largu ku peranan di lus tradishonal.

Nos no por imaginá nos bida mas sin hopi aparato, pero usanan di forma konsiente no ta kosta hopi esfuerso i e ta skapabu fásilmente desena di dòler.

Tepnan pa den kas

Frishidèr i frizer

  • Sòru pa bo frishidèr i frizer ta bon será.
  • No pone bo frishidèr i frizer na un lugá kayente òf den bisindario di un fuente di kalor.
  • Mantené un temperatura konstante di 4 te 6 grado.
  • Difròs bo frizer regularmente.
  • Hasi uso di bo frizer di manera efisiente dor di yena esaki mas mihó ku ta posibel i ku ménos lugá bashí.

Lus (iluminashon)

  • Hasi mas uso ku ta posibel di lus natural.
  • Hasi uso di lampinan ku ta spar koriente, manera lampi di LED òf lampi di spar. No lubidá riba lus di pasku!
  • Paga lus manera ku bo sali for di un espasio.

Èrko i fèn

  • Kombiná e uso di èrko i fèn pa parti e friamentu mas optimalmente ku ta posibel.
  • Skohe pa un èrko ‘inverter’, esaki ta ekonomisá energia i ta yega na e temperatura deseá kuater biaha mas lihé ku e èrko tradishonal.

Otro aparatonan

  • Semper strika mas paña pareu, ya ku e heru di strika ta usa mas tantu koriente ora ku e ta keintando.
  • Ta rekomendabel pa bari kas na lugá di hasi uso di stòfzùiger ku ta gasta masha hopi energia.
  • Un stof di gas ta muchu mas ekonómiko ku e otro formanan di kushiná, manera stof di indukshon, stof kerámiko òf di koriente.

Tepnan pa rondó di kas

  • Bo tin lus pafó? Hasi uso di lampi di LED i instalá un ‘fotocel’ na bo lampinan pafó, di manera ku e lusnan ta sende i paga outomátikamente ora solo baha i ora solo sali.
  • Si bo ke ekonomisá riba energia, e ora ei hasi uso di lampinan di LED ku ta sende na momentu ku nan detektá moveshon.
  • Skohe konsientemente ora di kumpra bo pòmp di pisina i sistema di drep i tene e uso di koriente na kuenta.
  • Aparato eléktriko pa usa den hòfi ta hala hopi koriente. Por ehèmpel hasi uso di un harpa en bes di un supladó di blachi.

Isolashon

Loke ku tin bia nos ta lubidá, ta ku bon isolashon tambe ta efektivo pa tene kayente pafó di kas. Di e manera ei e isolashon ta brinda protekshon kontra e temperaturanan kayente, ku no por drenta den kas.

  • Na momentu di (re)konstrukshon instalá isolashon di muraya i dak pa resistí kalor i pa ekonomisá riba gastu di èrko.
  • Isolá bo kas pa evitá ku e friu di èrko ta sali bai, dor di pone un strep di rùber bou di porta. Kontrolá e seyo di kozeinnan i apliká silikon si esaki ta nesesario.
  • Ademas e instalashon di glas dòbel ta yuda baha gastu.
  • Glas ku ta resistí kalor, prinsipalmente den kaso di porta i bentananan grandi, ta tene hopi kayente pafó.

Lesa nos folder Spar.