Menu

U bent hier: Home » Spar » Ekonomisá Awa

Ekonomisá Awa

Pa persona nos ta konsumí mas òf ménos 125 liter di awa di bebe pa dia. Baña un minüt mas kòrtiku ta nifiká mesora 5 meter kúbiko ménos di awa i esaki ta spar bo hopi dòler pa aña. Tualèt ta usa 30% di nos konsumo di awa total. Un kònòpi di spar riba bo tualèt pues no ta un nesesidat luho. Dor di esaki bo ta redusí uso ku mas òf ménos 23 meter kúbiko di awa. Atendé responsabel ku awa di bebe ta mihó pa medio ambiente i ta hasi diferensia tambe den bo pòtmòni.

Tepnan den kas

Tualèt

  • Stèl e flòter di bo tualèt di tal manera ku e baki di awa no ta yena kompletamente.
  • Den kaso ku bo no por stèl e flòter, bo por pone un bòter di 2 liter yená den e baki di awa (no na e banda di e flòter), di manera ku e baki ta yena ku ménos awa.
  • Invertí den un hèndel na bo tualèt ku ta spar awa.
  • Paga tinu regularmente si bo tualèt ta sigui kore awa.
  • Esaki ta kosta mas òf ménos 25 liter pa ora, ku otro palabra 219.000 liter awa pa aña.

Higiena

  • Hasi uso di un ‘timer’ di duch, di manera ku bo ta konsiente di e tempu ku bo ta tuma pa baña.
  • Sera e kranchi ora ku ta hunta habon i ta skeiru djente.
  • Òf invertí den un aparato na bo kranchi ku ta limitá e fluho di awa.
  • Invertí den un kabes di duch ku ta spar awa.

Laba paña

  • No laba tiki paña, sino akumulá paña shushi i laba tur kos den un solo bia. Usa un labá mas kòrtiku pa paña ku no ta hopi shushi. Ademas limpia e filter di e wasmashin regularmente.
  • Ora ta usa e wasmashin sòru pa e ta yen.

Otro tepnan

  • Kambia kranchinan ku ta lèk; esakinan ta gasta un promedio di 2000 liter di awa pa aña.
  • Dor di kontrolá e meter di awa regularmente bo por ripará si tin lèkashe.

Tepnan rondó di kas

  • Na momentu di laba outo bo por spar 3 kuart di awa si bo
    laga e slan para i hasi uso di un èmber. Ku slan fásilmente
    bo ta usa 150 liter di awa; ku kuater èmber di dies liter
    tambe por. Bo ke usa un spùit tòg? Hasi uso di un spùit di preshon haltu. Un slan ta usa kasi 3.000 liter di awa pa ora, kontrario na e spùit di preshon haltu ku ta usa 600 liter pa ora. Ademas bo ta keda kla mas lihé i ta ekonomisá kasi 15% di bo tempu i di awa.
  • No malgastá awaseru! Bo por fangu áwaseru den tankinan supteráneo i bo por hasi uso di esei pa bo hòfi i eventualmente pa yena pisina.
  • Un liter di zeta di motor ku a basha abou ta daña sigur un mion liter di awa di tera ku bo por a usa pa awa di bebe. Pues sea kouteloso ora bo ta traha ku zeta.
  • Hasi uso di un sistema di drep den hòfi den tempu di sekura, i konektá esaki riba e tanki di berpùt.
  • Tapa e tera rondó di e matanan ku blachi, sas di palu òf ‘steenslag’, di manera ku e tera por apsorbá e vògt mihó.
  • Bo ke instalá un pisina? Pensa un momento riba e grandura. Espesialmente den tempu di sekura mester yena e pisina ku awa regularmente.

Lesa nos folder Spar.