Menu

U bent hier: Home » Privá » Tarifa i Kondishonnan » Tarifanan nobo entrante 1 di yüli 2019

Tarifanan nobo entrante 1 di yüli 2019

For di 1 yüli 2019, tin tarifa nobo pa elektrisidat ku ta konta pa Boneiru. E tarifa akí ta basá riba kosto di produkshon, kosto di entrega i e kapasidat di konekshon di klientenan. A base di e Lei Elektrisidat i Awa di Bebe BES, Autoriteit Consument en Markt (ACM) a stipulá e tarifanan pa kubri gastu. Esei ta enserá ku ACM a kalkulá kuantu ta kosta WEB i ContourGlobal (produktor di elektrisidat) pa produsí i entregá elektrisidat i awa di bebe. A base di esaki kada mei aña ta kalkulá e tarifanan nobo.

Pa entrega di elektrisidat i awa di bebe ta konta un tarifa di uzo fiho i un tarifa di uzo variabel.

Aki bo ta haña e tarifa nobo ku entrante 1 di yüli 2019 ta na vigor pa:

Tarifanan Elektrisidat 1 di yüli 2019 (download)

E sobrá tarifanan ta keda meskos.

 

Lei elektrisidat i awa di bebe BES

1 di yüli 2016 a drenta na vigor Lei Elektrisidat i Awa di Bebe BES. Autoriteit Consument en Markt (AMC) tin e tarea legal pa stipulá tarifa máksimo pa elektrisidat i awa di bebe. Tin kuater sorto di tarifa: tarifa di konekshon, tarifa di rekonekshon, tarifa di uzo fiho i variabel.

Tarifa ku ta kubri gastu

Den e tarifa di uso figo a kalkulá e kostonan ku WEB ta hasi pa e ret i pa entrega di elektrisidat i awa di bebe. Pa e tarifa di uzo fiho akí, grandura di bo kapasidat di konekshon ta determiná haltura di e tarifa. Mas grandi bo kapasidat di konekshon, mas haltu e karga riba e ret di elektrisidat. E kostonan di ret e ora ei ta mas haltu tambe si bo tin un kapasidat di konekshon grandi, pasobra esei ta karga e ret mas tantu.

Den e tarifa di uzo variabel ta kalkulá e kostonan ku WEB ta hasi pa produkshon di elektrisidat i di awa di bebe. E tarifa di uzo variabel ei ta pa tur hende meskos: tur hende ta paga mes tarifa pa kWh di elektrisidat i pa meter kúbiko di awa di bebe.

Keda finansieramente sano i protekshon di kliente
Ta introdusí e struktura di tarifanan nobo aki pa motibu ku Autoriteit Consument en Markt (AMC) na un manera independiente a kalkulá e kostonan ku ta nesesario pa un empresa finansieramente sano. Esaki ta na interes di Boneiru, komo ku WEB asina tin sufisiente entrada pa mantené e ret, hasi invershon den e ret i pa kumpra elektrisidat i awa di bebe òf e mes produsí esakinan. Di otro banda e tarifanan nobo ta sòru tambe ku WEB no por kobra mas ku e tarifa máksimo (pa kubri gastu) ku  ACM a kalkulá. E tarifanan di ACM ta protehé pues tantu WEB komo abo, e kliente.

Splikashon struktura di tarifa nobo elektrisidat i awa di bebe
E tarifa di uzo variabel ta e tarifa ku bo ta paga pa e kantidat di koriente òf awa ku bo ta uza den un luna.

E tarifa di uzo fiho ta e montante ku bo ta paga pa luna pa e kostonan di ret, independiente di e kantidat di awa òf koriente ku bo ta uza. E tarifa di uzo fiho ta dependé di grandura di e kapasidat di konekshon di bo kas òf empresa. Pa awa di bebe, kasi tur konekshon tin mes kapasidat di konekshon.

Pa elektrisidat, tin diferensia den grandura di e kapasidat di konekshon. Mas grandi bo kapasidat di konekshon ta, mas haltu bo tarifa di uzo fiho ta. Pa stipulá e kapasidat di konekshon akí, WEB a hasi un inventarisashon na 2017 i a klientenan pa medio di un karta tokante e kapasidat di konekshon. WEB a mira e fiusnan ku tin na e konekshonnan. E konekshonnan mas komun na kas ta 1×25 Ampère, 3×25 Ampère i 3×35 Ampère. WEB ta spera pa e 3 kategorianan akí un tarifa di uzo fiho igual.

Pa awa di bebe kasi tur konekshon tin mes kapasidat di konekshon, e ‘mei dùimnan’. Tin algun konekshon ku un diameter mas grandi. WEB a inventarisá e último akí.

Bo ta deseá mas informashon tokante di e kapasidat di konekshon di elektrisidat, sigui lesa aki.

Pagabon i awa di bebe ku trùk
Bo ta paga ku Pagabon, e ora ei bo no ta paga tarifa di uzo fiho. E konekshonnan akí no ta inventarisá tampoko riba e kapasidat di konekshon. Sí bo ta paga un tarifa di uzo variabel mas haltu pa yuda paga tambe e kostonan di ret i/òf transporte. Tin un tarifa apart pa awa di bebe ku ta entregá ku trùk.