Menu

U bent hier: Home » Privá » Tarifa i Kondishonnan » Pregunta i kontesta tarifanan nobo

Pregunta i kontesta

Pregunta 1
Dikon e struktura di tarifanan a kambia den 2018? 

Kontesta 1

  • Na 2016 a akseptá un lei nobo Lei Elektrisidat i Awa di Bebe BES. E lei akí mester pèrkurá pa un suministro di awa di bebe i elektrisidat konfiabel, pagabel i duradero na Boneiru.
  • E legisladó ke logra e metanan ei ku tarifa orientá riba kosto. Esei ta nifiká ku e tarifanan ku bo ta paga ta basá riba e kostonan di produkshon i distribushon di elektrisidat i awa di bebe.
  • E legisladó a indiká Autoriteit Consument & Markt (ACM), komo supervisor independiente, pa kalkulá e tarifanan.


Pregunta 2
Kiko presis ta bai kambia den e struktura di tarfia tarifanan?

Kontesta 2
For di 1 di aprel 2018 tin un tarifa di uzo fiho pa awa di bebe i 1 di yüni 2018 pa elektrisidat. Tambe a bini un tarifa di uzo variabel pa elektrisidat entrante 1 di yüli 2018 i pa awa di bebe no a bini kambio for di 1 di aprel 2018. E tarifa di uzo fiho ta kubri e kostonan di ret. Pues tuberia, palu di tenshon haltu, transformator, etc. E tarifa di uzo variabel ta e montante ku bo ta paga pa e kantidat di ora di kilowatt i e kantidat di meter kúbiko di awa di bebe ku bo ta uza.


Pregunta 3
Unda e tarifanan nobo ta diferensiá di e struktura di tarifanan ku WEB tabata apliká?

Kontesta 3
Elektrisidat
Pa elektrisidat tabatin solamente un tarifa variabel. Den e tarifa ei a prosesá tur kosto di elektrisidat, tambe e kostonan di ret. Si bo uza hopi elektrisidat, bo ta paga mas pa e ret ku ora bo ta uza poko elektrisidat. Pero e ret tei pa tur hende i WEB ta hasi gastu pa mantené esaki.

Un ehèmpel: un hende ku pa un tempu no ta na Boneiru, pero ku sí tin un kas aki, ta paga ménos ku un hende ku henter aña ta na Boneiru. Pero e ret tei pa tur dos kliente i ta mantené esaki pa tur dos. P’esei den e Lei nobo a skohe ku tur hende ta paga un montante fiho pa luna pa e ret.

E tarifa pa Pagabon  ta konsistí di tantu un tarifa fiho i variabel. Esaki ta nifiká ku bo ta paga un montante pa kWh.

Awa di bebe
Pa awa di bebe tabatin ya kaba un tarifa básiko. Banda di esei tabatin un tarifa variabel ku tabata subi segun bo ta uza mas awa.

For di  1 di yanüari 2019 ta konta pa tur hende mes tarifa di uzo variabel pa luna i ta konta (manera tin awor) un tarifa di uzo fiho pa e kostonan di ret.

Lòs di e dos tarifanan akí, a bini un tarifa pa awa di bebe ku trùk. Esei ta un tarifa pa meter kúbiko di awa di bebe. Den e tarifa variabel akí tin tambe e kostonan pa e transporte ku trùk.


Pregunta 4
Kiko ta e konsekuensianan di e struktura di tarifanan nobo?

Kontesta 4
Introdukshon di un tarifa di uzo fiho i un tarifa di uzo variabel ta pone ku klientenan ku un uzo abou ta haña un resibu mas haltu. Esei ta konsekuensia di e tarifa di uzo fiho: ta asina ku bo tin ku paga pa esaki tambe ora bo no ta uza nada di awa di bebe òf elektrisidat.

Generalmente klientenan ku un uzo haltu lo bai tin benefisio ku e sistema aki. Komo ku ta saka e komponente di kosto di ret for di e tarifa di uzo variabel, e tarifa aki ta mas abou.


Pregunta 5
Tin manera pa limitá e konsekuensianan finansiero negativo pa sierto grupo di kliente?

Kontesta 5
Lei Elektrisidat i Awa di Bebe BES ta ofresé algun posibilidat pa limitá e konsekuensianan finansiero pa sierto grupo di kliente:

  • Ministerionan di I&W (pa awa di bebe) i EZK (pa elektrisidat) den un areglo ministerial por stipulá ku pa sierto kategoria di kliente ta konta un tarifa di uzo fiho mas abou.
  • Tambe e dos ministerionan por duna supsidio na sierto kategoria di kliente ku ta pone ku e tarifa di uzo fiho ta baha.

Pa limitá e konsekuensianan negativo, e Ministerionan a disidí pa otorgá supsidionan.

Posibilidatnan eventual fuera di Lei Elektrisidat i Awa di Bebe, i ku esei pafó di stipulashon di tarifa di ACM, ta na otro partidonan gubernamental i sosial.


Pregunta 6
Na ki momentu mi ta risibí e faktura ku e tarifa nobo pa 1 di yüli 2019?

Kontesta 6
Ta apliká e tarifa periódiko nobo di elektrisidat riba e faktura for di luna di ougùstùs 2019 (ku un fecha inisial pa e uzo den yüli i un fecha final na ougùstùs). Pa Pagabon ta konta ku e tarifa nobo ta visibel mesora for di 1 di yüli 2019.


Pregunta 7
Di ki manera mi por laga adaptá mi kapasidat di konekshon di elektrisidat?

Kontesta 7
Den e struktura di tarifanan nobo for di 2018, e kapasidat di bo konekshon ta determiná haltura di e tarifa di uzo fiho.

Mayoria kas tin un konekshon di 3×25 t/k 3×35 Ampèr. Pa esaki a hasi e tarifanan di uzo fiho igual.

Pa e sobrá konekshonnan, e úniko posibilidat pa ekonomisá ta di pidi un konekshon ku un kapasidat mas abou. Si esei por, ta dependé di bo situashon, i solamente un instaladó eléktriko tékniko por determiná esei. Kuantu kapasidat bo konekshon tin mester di dje ta dependé di e grandura di bo instalashon i pa kiko bo ta uz’é.

Solamente e instaladó por kontrolá si redukshon ta posibel òf si mester hasi adaptashon na e instalashon. E kostonan di esei ta pa bo propio kuenta. Si ta posibel pa adaptá bo instalashon, e ora ei bo por, despues di e kùrmentu di nobo, laga nos mira e kapasidat di konekshon nobo ku un karchi di kùr. E ora ei ta pone bo den e kategoria di konekshon korekto ku e tarifa korespondiente.

Bo ta deseá mas informashon tokante di e kapasidat di konekshon di elektrisidat, sigui lesa aki.


Pregunta 8
Kiko mi ta bai paga kuminsando 1 di yüli 2019 pa awa di bebe i/òf elektrisidat?

Kontesta 8
WEB a desaroyá un instrumento di kalkulashon ku kua a base di e kantidat di meter kúbiko (m3) i ora di kilowatt, bo por kalkulá kiko bo tin ku paga. E instrumento bo ta haña aki.


Pregunta 9
Ta uza tur sorto di término nobo ku mi no konosé. Unda mi por haña un bista ku tur nifikashon?

Kontesta 9
E struktura di tarifanan nobo tambe ta bin ku términonan nobo. Splikashon di e términonan akí i otro splikashon, bo ta haña aki.