Menu

U bent hier: Home » Privá » Tarifa i Kondishonnan » Kapasidat di konekshon di elektrisidat

Kapasidat di konekshon di elektrisidat

Kapasidat di konekshon ta indiká e kantidat máksimo di elektrisidat, ekspresá den kilo Voltampèr (kVA), ku por risibí. Ta demarká e kantidat aki ku fius ku WEB ta pone den bo Kashi di Fius Primario  (PZ). E kashi seyá akí ta keda entre e ret di elektrisidat i bo meter di elektrisidat i mayoria biaha por haña esaki den un nes den huki di bo parsela.

Segun indikashon, balor di e fiusnan di bo kashi di PZ, mester ta 1 stap mas haltu ku balor di e fius prinsipal di e instalashon.

Bo instalashon por ehèmpel tin un fius prinsipal di 50 ampèr? E ora ei WEB ta pone fius di 63 ampèr den bo kashi di PZ. E kapasidat di konekshon e ora ei ta 3x 63 ampèr. Esaki ta determiná e kompensashon pa kosto di ret i ta ekspresá esaki den e tarifa di uzo fiho. Mas informashon ta haña bou di e kabes página di tarifa.

Pues bo instalashon i e kapasidat di konekshon tin un relashon lógiko. Fius prinsipal di instalashon + 1 stap mas haltu = kapasidat di konekshon (ampèr x vòltahe x 1.73 / 1.000 = kVA.)

Tabèl ampèr

25/35/50/63/80/100/125/160/200

Si bo ta di opinion ku e kapasidat di konekshon no ta kuadra ku bo instalashon, bo por tuma kontakto ku nos tokante esaki. Kuminsando 1 di yanüari 2019, un montante di USD 27.50 lo wòrdu kobrá pa kontrolá e kapasidat di konekshon. E montante aki mester wòrdu pagá adelantá. Bo tin ku duna nos bo number di kliente i ademas gustosamente nos ta risibí e karchi di kùr i/òf skema di instalashon, no lubidá di pone bo number di kliente riba e dokumentonan akí.

Promé ku bo tuma kontakto ku nos, nos ta konsehá bo pa kontrolá promé kiko ta balor di e fius prinsipal di bo instalashon eléktriko. Grandura di bo instalashon eléktriko i balor di e fius prinsipal ta fuera di responsabilidat di WEB.

Bo por haña balor di e fius prinsipal riba e pintura di instalashon skemátiko i/òf karchi di kùr ku ta pertenesé na bo instalashon eléktriko. Bo por kontrolá balor di bo fius prinsipal tambe dor di lesa riba bo kashi di meter.

Den un situashon normal, WEB su kapasidat di konekshon mester ta 1 stap mas haltu ku balor di e fius prinsipal. Esei ta nifiká ku un fius prinsipal di 63 ampèr, ta korespondé ku un kapasidat di konekshon di WEB di 80 ampèr. E kapasidat di konekshon ta konforme indikashon i ta keda mantené esaki.

Si resultá ku e balor di konekshon ta muchu haltu, e ora ei bo por notifiká esaki. Bo mester pone riba bo notifikashon bo number di kliente i ademas gustosamente nos ta risibí e karchi di kùr i/òf skema di instalashon pertenesiente. No lubidá di pone riba e dokumentonan aki bo number di kliente!

Den kaso ku no tin dokumentashon disponibel for di kua por dedusí e potensia ku ta pidi, e ora ei lo tuma lugá un inspekshon di bo instalashon. Ta nota balor di bo fius prinsipal i kompará esaki ku balor di e PZ.

E kapasidat di konekshon no ta konforme indikashonnan, e ora ei ta sigui un adaptashon tékniko i atministrativo. Ta debolbé e eventual tarifa di uzo fiho ku bo a paga di mas (maksimalmente pa un periodo di 6 luna).

E kapasidat di konekshon ta konforme indikashon i bo ta deseá tòg un adaptashon? E ora ei tin ku buska un instaladó registrá. Despues di e adaptashon, mester tuma lugá un kùrmentu di nobo. E balornan riba e karchi di kùr mester kuadra ku e balornan di e aparatonan den bo kas. E kùrmentu di nobo tin relashon ku e parti di e instalashon ku a adaptá i Direktorado Supervishon i Mantenshon / Directie Toezicht en Handhaving (DTH) ta hasi esaki konforme e forma di traha di kustumber. Gastu di e kùrmentu di nobo akí ta pa bo kuenta.

Ora e kùrmentu di nobo ta kla, bo por akudí na WEB ku bo karchi di kùr nobo i WEB lo adaptá esaki atministrativamente i téknikamente. For di e momentu ei ta kobra e tarifa di uzo fiho ku ta kuadra ku e kapasidat di konekshon nobo. Den e kaso ei no tin restitushon.

Lista di instaladó registrá i paipfeter eksperensiá (download)