Menu

U bent hier: Home » Privá » Bo faktura » Maneho di kobransa

Maneho di kobransa

WEB ta sali for di e punto di bista ku bo ta paga bo faktura na tempu. Bo no por paga bo faktura dentro di e término stipulá? Nos ta rekordá bo ku un retraso di pago chikitu ta bira grandi hopi lihé i bo ta kore e riesgo ku ta deskonektá bo. Ku adaptashon simpel, bo por spar riba awa i elektrisidat. Lesa nos foyeto Spar, tambe disponibel na nos ofisina. Bo ke kontrolá mihó bo uzo di koriente, e ora ei nos sistema di prepago Pagabon ta un solushon.

No lubidá, paga na tempu!

Promé ku nos mester bai na deskonektá, nos ke informá bo tokante pasonan i medidanan:
• Bo ta risibí mensualmente un faktura pa uzo di awa i elektrisidat. Bo no a risibí faktura, e ora ei tuma kontakto telefóniko ku nos mesora.
• Si nos no haña bo pago despues di e fecha di vensementu, nos ta manda e ora ei un notifikashon.
• Bo no a paga e montante den e notifikashon despues di e fecha di vensementu, e ora ei lástimamente WEB mester bai na deskonektá. Esaki a ménos ku e debe total ta ménos ku 30 USD i no mas bieu ku 6 luna, konforme e regulashon ministerial elektrisidat i awa di bebe BES, artíkulo 3.1.

Paga tinu!
Si bo paga 1 dia promé ku e fecha di vensementu na banko, e ora ei nos ta konsehá bo pa entregá nos mes dia kopia di e prueba di pago, promé ku 15:00. Un pago di banko fásilmente ta tuma 2 dia di trabou pa prosesá. Ku esei bo ta riska ku ta deskonektá bo tòg.