Menu

U bent hier: Home » Privá » Bira kliente » Bo ta biba na kunuku?

Bo ta biba na kunuku?

Bo ke tin awa i elektrisidat na bo kunuku? Informá na WEB promé kua ta e posibilidatnan.

Generalmente un konekshon riba e ret di WEB no ta posibel. Un konekshon di awa i/òf elektrisidat na kunuku tin gastu di invershon haltu pa WEB ku nos no por karga den un komunidat chikitu.

Por ta asina ku un tubu prinsipal di awa òf un ret di elektrisidat ta pasa banda di bo parsela. Den e kaso ei, bo por pidi awa òf elektrisidat i posiblemente bo ta bin na remarke pa un meter. E eventual gastunan èkstra ku ta bai huntu ku esaki, ta pa bo kuenta.
No tin tubu prinsipal? E ora ei nos ta ofresé bo e servisio pa entregá awa ku un trùk di awa, kontal ku WEB tin akseso na bo kunuku.

Pa petishon pa entrega di awa na kunuku ku trùk di awa, bo tin ku entregá e siguiente dokumentonan:

  • buki di kunuku; esaki bo ta pidi na Direktorado Espasio & Desaroyo / Directie Ruimtelijke & Ontwikkeling di Entidat Públiko Boneiru;
  • un pintura kadastral (pintura di situashon);
  • un prueba di legitimashon bálido ku un foto bon visibel.

Paga tinu!

  • Bo no ta doño di e parsela? E ora e bo tin ku entregá un apoderashon firmá no mas bieu ku 6 luna i un kopia di un prueba di legitimashon bálido di e doño.
  • Den algun kaso, tin ku entregá dokumentonan manera Akta di Fayesimentu, Buki di Famia òf Ponementu bou di Kuratela!
  • Si ta bai pa elektrisidat, gustosamente nos ta konsehá bo tokante posibilidatnan, manera konekshon di un asina yamá sistema di pènel solar ‘off-grid’. Huntu nos ta yega na e mihó solushon i esun mas ekonómiko.