Menu

U bent hier: Home » Privá » Bira kliente » Bo ta bai muda?

Bo ta bai muda?

Bo ta drenta un bibienda òf apartamentu, òf muda pa un otro adrès?
E ora ei nos ta supliká bo pa avisá nos na tempu di e konekshon nobo pa awa i elektrisidat i pa trese e siguiente dokumentonan:

  • un akta notarial òf ‘inzage’ por eskrito di Kadaster, no mas bieu ku 1 aña;
  • un prueba di legitimashon bálido ku un foto bon visibel;
  • e numbernan di meter di awa di bebe i/òf elektrisidat di e adrès nobo i e fecha ku bo ta drenta e bibienda;
  • e numbernan di meter di awa di bebe i/òf elektrisidat di e adrès bieu i e fecha ku bo ta bandoná e bibienda;
  • informashon di adrès di tantu e adrès bieu komo esun nobo.

Paga tinu!

  • Bo no ta doño di e parsela? E ora ei bo tin ku entregá un apoderashon firmá no mas bieu ku 6 luna i un kopia di un prueba di legitimashon bálido di e doño.
  • Den algun kaso, mester entregá dokumentonan manera un Akta di Fayesimentu, Buki di Famia òf Ponementu bou di Kuratela!
  •  Asina ku bo entregá e petishon, nos servisio tékniko ta bai inspektá e situashon na bo tereno di konstrukshon. Nan ta determiná si bo tin bin na remarke pa un konekshon di awa i/òf elektrisidat.
  • E kostonan pa konekshon nobo i bòrg ta pa bo kuenta.
  • Bo ta muda riba mes dia di bo adrès bieu pa esun nobo? E ora ei nos no ta kobra e gastunan pa e konekshon nobo durante dianan di trabou *, si:
  • ainda nos tin ku paga bo e bòrg di e adrès bieu i esaki ta klòp ku e bòrg ku bo lo tin ku paga na e adrès nobo (adaptashon ta posibel);
  •  bo a paga tur faktura habrí di e adrès bieu.
Depósito di Koriente
Un –fase/dos-fase/tres-fase konekshon te ku  pa un máksimo 3X35 Ampere sin èrko / konekshon di konstrukshon$150.00
Inkremento pa kada èrko$75.00
Konekshon di elektrisidat  for di 3X50 AmpereKalkulashon
Depósito di Awa
½ ” / konekshon di konstrukshon$100.00
Mas grandi ku ½ “Kalkulashon

 

E konekshon na e adrès nobo ta riba un otro dia ku seramentu di e adrès bieu, e ora ei bo ta paga un bòrg nobo i gastu di konekshon.

Orario kaha di WEB: 07:45 – 11:45 i 13:00 – 15:00 *
Den e promé i último siman di luna, kahanan ta habrí tambe mèrdia.
Orario di bali di informashon di WEB: 7:45 – 11:45 i 13:00 – 15:00 *

Formulario di petishon Konekshon (download)

* dianan di trabou: djaluna t/k djabièrnè