Menu

U bent hier: Home » Privá » Bira kliente » Bo ta bai konstruí?

Bo ta konstruyendo un kas, òf bo tin plan pa konstruí? I bo tin 18 aña òf mas? E ora ei bo por pidi un konekshon temporal.
Pa un konekshon di konstrukshon temporal pa awa i elektrisidat, bo mester entregá e siguiente dokumentonan:

  • un akta notarial òf ‘inzage’ por eskrito di Kadaster, no mas bieu ku 1 aña;
  • un pintura kadastral (pintura di situashon);
  • un prueba di legitimashon bálido ku un foto bon visibel.
  • un karchi di kùr * pa e konekshon temporal di elektrisidat.
  • un kopia di pèrmit pa konstruí aprobá

* Kùrmentu i yenamentu i firmamentu di e karchi di kùr mester sosodé pa un instaladó registrá. E karchi di kùr bo ta risibí di e instaladó konserní.

Paga tinu!
Bo no ta doño di e parsela? E ora ei bo tin ku entregá un apoderashon firmá no mas bieu ku 6 luna i un kopia di un prueba di legitimashon bálido di e doño.
E parsela ta na nòmber di un kompania i/òf e konekshon ta bini na nòmber di un kompania? E ora ei bo mester entregá un ekstrakto (uittreksel) di Kámara di Komèrsio (Boneiru), ku un stèmpel i firma i no mas bieu ku 1 aña.
Den algun kaso, tin ku entregá dokumento manera un Akta di Fayesimentu, Buki di Famia òf Ponementu bou di Kuratela!
Asina bo entregá e petishon, nos servisio tékniko ta bai inspektá e situashon na bo tereno di konstrukshon. Nan ta determiná si bo ta bin na remarke pa un konekshon di awa i/òf elektrisidat.
E gastunan pa parselashon, konekshon, trabou sivil i di bòrg ta pa bo kuenta.

Depósito di Koriente
Un –fase/dos-fase/tres-fase konekshon te ku  pa un máksimo 3X35 Ampere sin èrko / konekshon di konstrukshon$150.00
Inkremento pa kada èrko$75.00
Konekshon di elektrisidat  for di 3X50 AmpereKalkulashon
Depósito di Awa
½ ” / konekshon di konstrukshon$100.00
Mas grandi ku ½ “Kalkulashon

Nis pa meternan di awa i elektrisidat
E meternan ku WEB ta proporshoná mester wòrdu poné den un nis di piedra òf betòn. Esaki ta obligatorio pa protegé e meternan di influensianan di klima i debí ku WEB sèmper mester tin akseso na e meternan pa kontrolá i registrá midishon e meternan.

Midínan di e nis ta dependé di e kantidat di meternan nesesario. WEB ta ofresé pintura pa 3 tipo di nis: individual (1 meter di awa i 1 meter di elektrisidat), dòbel (2 meter di awa i 2 meter di elektrisidat) i sékstuplo (6 meter di awa i 6 meter di elektrisidat). Bo por haña e pinturanan bou di Downloads

 

A entregá e konstrukshon i bo ta na punto di bai biba den bo kas? E ora ei bo por pidi un konekshon definitivo .
Bin ku e siguiente dokumentonan:

  • un karchi di kùr pa e konekshon definitivo pa awa i/òf elektrisidat;
  • e dokumentonan di bo konekshon temporal;
  • e dokumento ku e nòmber di kaya i number di adrès ofisial di Entidat Públiko Boneiru (ETB), Direktorado Maneho di Tereno / Directie Ruimtelijke Ordening (DRO).