Menu

U bent hier: Home » Preguntanan frekuente

Preguntanan frekuente

Kua ta e oranan di apertura di WEB?

Ofisina prinsipal na Playa

Kaya Gresia z/n
Durante dia di trabou kaha i bali di informashon di 07:45 – 11:45 i 13:00 – 15:00

Promé i último siman di luna kaha ta habri nònstòp, tambe habrí mèrdia.

Ofisina di WEB Rincon
Kaya Rincon 73
Kada promé i último siman di luna riba dianan di trabou di 08:45 – 11:45 i 13:00 – 15:00

Mi tin idea di muda. Ta transladá mi konekshon tambe?

Si bo ta bai muda bo por hasi esaki huntu ku bo konekshon atministrativo. Ta importante pa notifiká nos na tempu di e konekshon di awa i koriente i entregá e siguiente dokumentonan:

  • un akta notarial òf ‘inzage’ por eskrito di Kadaster (no mas bieu ku 1 aña);
  • un dokumento di legitimashon bálido ku un foto bon visibel;
  • numbernan di meter di elektrisidat i/o awa pa bebe di e adrès nobo i e fecha ku bo ta drenta e bibienda;
  • numbernan di meter di elektrisidat i/o awa pa bebe e adrès bieu i e fecha ku bo ta sali for di e bibienda;
  • e datonan di adrès di tantu e adrès bieu komo esun nobo.

Atenshon!

  • Bo no ta doño di e parsela? E ora ei bo tin ku entregá un apoderashon firmá (no mas bieu ku 6 luna) i kopia di un dokumento di legitimashon bálido di e doño.
  • Den algun kaso tin ku entregá dokumento manera akta di fayesimentu, buki di famia òf ponementu bou di kuratela.
  • Asina ku bo entregá e petishon, nos servisio tékniko ta bai inspektá e situashon na bo tereno di konstrukshon. Nan ta determiná si bo ta bin na remarke pa un fasilidat di awa i/òf koriente.
  • Gastunan di konekshon i di bòrg ta pa bo kuenta. Bo ta muda riba mes dia di e adrès bieu pa esun nobo? E ora ei durante dianan di trabou, nos no ta kobra bo e gastunan di konekshon, si:
  • Bo tin ku haña di nos ainda e bòrg di e adrès bieu i esaki ta kuadra ku e bòrg ku bo lo tin ku paga na e adrès nobo (adaptashon ta posibel);
  • Bo a paga tur faktura habrí di e adrès bieu.
  • E konekshon pa e adrès nobo ta riba un otro dia ku deskonekshon di e adrès bieu, e ora ei bo ta paga un bòrg nobo i gastunan di konekshon.

Kua posibilidatnan tin pa paga mi fakturanan?

Bo por paga WEB bo faktura pa awa i/òf elektrisidat na tres diferente manera. Nos tin preferensia pa pago outomátiko, òf standing order.

1. Standing order (pago outomátiko na banko)
Pa esaki bo por yena e formulario Direct Debet Mandate na ofisina prinsial di WEB. No lubidá pa menshoná apart bo number di faktura pa awa i/òf elektrisidat. Esaki ta bo referensia pa e pago.

Paga tinu!
No tin sufisiente saldo riba bo kuenta di banko, e ora ei no ta kobra bo faktura.
Formulario Direct Debet Mandate (download)

2. Pago online (via internèt)
Bo ta hasi uzo di ‘banko online’? E ora ei bo mes por duna enkargo pa pago di bo faktura. E number di faktura ta bo referensia pa pago.

Paga tinu!
Bo no por hasi mas ku dies (10) transakshon pa dia di trabou. Tene kuenta ku esaki pa pago na tempu. No tin sufisiente saldo riba bo kuenta di banko, e ora ei bo banko no por bolbe hasi un intento di pago.
Nos ta konsehá bo pa puntra bo banko tokante e momentu di prosesamentu di bo enkargo di pago.

3. Na kaha di WEB
Bo ke bin paga bo faktura personalmente? Esei por riba dia di trabou na nos kahanan, ku plaka kèsh òf karchi di banko. Bo tin un negoshi individual òf un kompania anónimo, e ora ei bo por tambe paga ku un chèk ku fondo. No ta posibel pa paga ku karchi di krédito.
Orario di kaha di WEB: djaluna t/k djabièrnè 07:45 – 11:45 i 13:00 – 15:00.

Den e promé i último siman di luna, e kahanan ta habrí mèrdia tambe.

Na unda mi por haña e numbernan di kuenta bankario di WEB?

Bo por haña e numbernan di kuenta bankario di WEB riba e parti abou di bo faktura. Nos numbernan di kuenta bankario ta:

MCB Bonaire
RBC Bonaire
Banco di Caribe Bonaire
Orco Bank Bonaire
Giro Bank Bonaire
915.041.02
8400.0000.2305.7557
603485.500.003.600.02
760073.105.002.006.02
211.009.82
SWIFT: MCBKBQBN
SWIFT: RBTTBQBN
SWIFT: BDCCBQBN
SWIFT: ORBABQBN
SWIFT: GIRCBQBN

Kua dokumentonan mi mester entregá pa hasi petishon pa un konekshon nobo di awa di bebe i elektrisidat?

Bo ta konstruyendo un kas, òf bo tin plan pa konstruí? I bo tin 18 aña òf mas? E ora ei bo por pidi un konekshon temporal.

Pa un konekshon di konstrukshon temporal pa awa i elektrisidat, bo mester entregá e siguiente dokumentonan:

  • un akta notarial òf ‘inzage’ por eskrito di Kadaster, no mas bieu ku 1 aña;
  • un pintura kadastral (pintura di situashon);
  • un prueba di legitimashon bálido ku un foto bon visibel.
  • un karchi di kùr * pa e konekshon temporal di elektrisidat.

* Kùrmentu i yenamentu i firmamentu di e karchi di kùr mester sosodé pa un instaladó registrá. E karchi di kùr bo ta risibí di e instaladó konserní.

Paga tinu!

  • Bo no ta doño di e parsela? E ora ei bo tin ku entregá un apoderashon firmá no mas bieu ku 6 luna i un kopia di un prueba di legitimashon bálido di e doño.
  • E parsela ta na nòmber di un kompania i/òf e konekshon ta bini na nòmber di un kompania? E ora ei bo mester entregá un ekstrakto (uittreksel) di Kámara di Komèrsio, ku un stèmpel i firma i no mas bieu ku 1 aña.
  • Den algun kaso, tin ku entregá dokumento manera un Akta di Fayesimentu, Buki di Famia òf Ponementu bou di Kuratela!
  • Asina bo entregá e petishon, nos servisio tékniko ta bai inspektá e situashon na bo tereno di konstrukshon. Nan ta determiná si bo ta bin na remarke pa un konekshon di awa i/òf elektrisidat.
  • E gastunan pa parselashon, konekshon, trabou sivil i di bòrg ta pa bo kuenta.

A entregá e konstrukshon i bo ta na punto di bai biba den bo kas? E ora ei bo por pidi un konekshon definitivo.
Bin ku e siguiente dokumentonan:

  • un karchi di kùr pa e konekshon definitivo pa awa i/òf elektrisidat;
  • e dokumentonan di bo konekshon temporal;
  • e dokumento ku e nòmber di kaya i number di adrès ofisial di Entidat Públiko Boneiru (ETB), Direktorado Maneho di Tereno / Directie Ruimtelijke Ordening (DRO).

Kon mi ta kanselá mi konekshon?

Pa kanselá bo konekshon, nos ta invitá bo pa pasa na nos ofisina i nos ta supliká bo trese e siguiente dokumentonan:

  • un prueba di legitimashon bálido ku un foto bon visibel;
  • numbernan di meter i e fecha di deskonekshon di awa i elektrisidat;
  • informashon di adrès;
  • un adrès unda por manda e último faktura.

Paga tinu!

  • E konekshon ta riba nòmber di un otro persona? E ora ei bo tin ku entregá un apoderashon firmá no mas bieu ku 6 luna i kopia di un prueba di legitimashon bálido di e persona en kuestion.
  • Den algun kaso mester entregá dokumentonan manera Akta di Fayesimentu, Buki di Famia òf Ponementu bou di Kuratela!

Formulario di petishon Kanselá Konekshon (download)

Aktualmente a kòrta mi konekshon. Ki ora WEB ta bolbe konektá mi?

Pa rekonekshon di awa i/òf elektrisidat, bo tin ku paga promé e fakturanan habrí i e kosto di rekonekshon. Nos ta konsehá bo pa paga na nos kaha riba dia di trabou promé ku 15.00.

WEB ta hasi rekonekshon despues di 15.00 i pa mas tardá promé ku 16.30.

Orario kaha di WEB: djaluna t/k djabièrnè 07:45 – 11:45 i 13:00 – 15:00
Den e promé i último siman di luna nos kahanan ta habrí mèrdia tambe.

Kon mi por hasi petishon pa Pagabon?

Pa petishon di e sistema di Pagabon ta hasi diferensia si tin òf no tin un konekshon di elektrisidat. Bo tin un konekshon temporal di elektrisidat, e ora ei bo no por hasi un petishon ainda.

Pa petishon di Pagabon, bo tin ku entregá e siguiente dokumentonan:

  • un akta notarial òf ‘inzage’ por eskrito di Kadaster, no mas bieu ku 1 aña;
  • un pintura kadastral (pintura di situashon);
  • un prueba di legitimashon bálido ku un foto bon visibel;
  • un karchi di kùr * pa e konekshon definitivo di elektrisidat.

* Kùrmentu i yenamentu i firmamentu di e karchi di kùr, mester sosodé pa un instaladó registrá. E karchi di kùr bo ta risibí di e instaladó en kuestion.

Paga tinu!

  • Bo no ta doño di e parsela? E ora ei bo tin ku entregá un apoderashon firmá no mas bieu ku 6 luna i kopia di un prueba di legitimashon bálido di e doño.
  • Den algun kaso mester entregá dokumento manera un Akta di Fayesimentu, Buki di Famia òf Ponementu bou di Kuratela!
  • Bo ta hür kas di Fundashon Cas Bonairiano (FCB)? Sòru e ora ei pa entregá un karta ku stèmpel di FCB.

Formulario di petishon Konekshon (download)

Asina ku e petishon ta kompleto ku tur dokumento rekerí, nos ta traha un sita ku bo pa evaluá e situashon na e sitio. Si mester hasi trabou sivil (kobamentu) pa un konekshon, e prosedura por tuma mas tempu.
Asina ku bo a paga e gastunan di konekshon, nos ta traha un sita ku bo pa instalá e meter di Pagabon. Despues di instalashon, e departamentu di Servisio pa Kliente ta aktivá e sistema. Bo ta risibí e ora ei tambe e karchi di instrukshon di Pagabon riba kua bo por nota bo number di meter. Riba e bòn di koriente ku bo a kumpra, bo por lesa bo number di meter i number di kliente.

Unda mi por kumpra krédito pa Pagabon?

Bo por kumpra Pagabon for di USD 10,- kaba na:

Ofisina prinsipal di WEB, Kaya Gresia s/n na Playa
Orario: riba dia di trabou di 07:45 – 11:45 i 13:00 – 15:00. Den e promé i último siman di luna, mèrdia tambe.

Ofisina di WEB, Kaya Rincon 73 na Rincon
Orario: tur promé i último siman di luna riba dia di trabou 08:45 – 11:45 i 13:00 – 15:00.

Pòmp di gasolin Gas Express N.V., Kaya Neerlandia 32
Orario: djaluna t/k djasabra 07:00 – 22:00 i djadumingu 08:00 – 20:00.

Van den Tweel Supermarket, Kaya Industria 39
Orario: djaluna t/k djadumingu 09:00 – 20:00.

Kua ta e tarifanan ku WEB ta usa?

Akinan bo por haña mayoria di e tarifanan aktual.

Na unda mi por haña informashon tokante mantenshon plania riba ret di koriente i/óf awa di bebe?

Konforme e BES Wet Elektriciteit en Drinkwater mantenshon plania mester wòrdu komuniká na abitantenan di Boneiru mínimo tres dia adelantá. Esaki ta wòrdu transmití via e emisoranan Bon FM, Live 99 FM, Voz di Boneiru i Mega Hit FM. Banda di esaki bo por haña e komunikado riba nos página di Facebook i wèpsait 

Por rekomendá mi un tékniko rekonosé?

Podisé ta difísil pa bo distinguí un instaladó profeshonal for di un ‘tiradó di pará’. Pa bo siguridat, WEB ta hasi uzo di un lista di instaladó registrá ku anualmente Direktorado Supervishon i Mantenshon / Directie Toezicht en Handhaving (DTH) di Entidat Públiko Boneiru ta traha.
Lista instaladó registrá, Elektrishèn i Paipfeter eksperensiá (download)

Bo tin un pregunta ku no ta menshoná?

Manda bo pregunta na info@webbonaire.com of bishita nos bali di informashon riba dianan di trabou de 07:45 – 11:45 i 13:00 – 15:00. Si bo tin un keho, introdusí esaki akinan.

Tur kos bo ku mester sa

Kiko ta kostonan di konekshon?
Esaki ta kostonan ku bo ta paga pa un konekshon temporal òf definitivo di awa i koriente. Òf, pa e konekshon di Pagabon.

Kiko ta kostonan di traspaso?
Esaki ta kostonan ku bo ta paga na momentu ku bo ta muda pa promé biaha den un kas eksistente òf apartamentu, òf ora bo muda pa un otro adrès.

Pa ki motibu ta paga depósito?
Sa sosodé ku e situashon finansiero di algun kliente no riba mesun nivel ku nan situashon di bida. O, klientenan ta muda bai otro pais i sin ku a paga e último resibunan.
Klientenan ku no ta (por) paga nan resibunan, ta kosta sèn. Si nos no pidi depósito, nos mester inkluí e gastunan aki den nos tarifanan.
Dor di esaki, e klientenan ku si ta paga na tempu lo mester paga mas tantu pa awa i elektrisidat. Hustamente esaki nos kier evitá.

Kiko ta e fecha di vensementu di mi resibu?
Pa mas tardá riba 30 di kada luna, ku eksepshon di e luna di febrüari; esaki ta vense riba 2 di mart.
Paga tinu: No lubída, paga na tempu!

Kiko mi mester hasi ora koriente òf awa di bai?
De kaso ku koriente òf awa bai na bo kas o edifisio, e ora ei lo ta bon pa konsultá nos lista di kontròl, di manera ku bo por tuma e medida korekto.

Nos ta rekomendá pa download e Lista di chekeo pa interupshon (download) for di awor i warda esaki kuidadosamente. Bo no ta e úniko ku tin interupshon di koriente? E ora ei nos ta konsehá pa bishita nos página di Facebook. Ta menshoná tur trabou i interupshon riba nos wèpsait i riba Facebook.