Partisipashon di trabounan na e ret di distribushon di awa djasabra 18 di sèptèmber 2021.

Water –en Energiebedrijf Bonaire N.V ( WEB) ta informá su klientenan di trabounan urgente na e ret di distribushon di awa di bebe ku lo tuma lugá riba Kaya Piedra Presioso serka di Kibrá’i Montaña ku direkshon Kaya Titanium.


Fecha:              Djasabra 18 di sèptèmber 2021
Ora:                 07:00 di mainta – 18:00 di atardi

Durante e trabounan aki klientenan lo por eksperensía interupshon, awa bruin i/òf preshon abou den e siguiente areanan: Kaya Piedra presioso na altura di  Kaya Sardonis suit t/k Kibrá di Montaña, Nawati Suit i besindario.

Tambe nos ta informá ku:

  • Trabounan di preparashon ta kuminsá for di djaluna 13 di sèptèmber 2021. E tráfiko riba Kaya Piedra Precioso lo ser dirigí pa kontroladonan di tráfiko.
  • Klientenan lo eksperensiá stòf i molèster durante entrada i salida.

Pa por suministrá klientenan ku un kantidat chikitu di awa, lo bai tin un trùk di awa ku lo pasa rònt durante e trabounan den e areanan menshoná.

Nos ta hasi nos máksimo esfuerso pa e trabounan tuma lugá den e tempu stipulá. Di antemano nos ta pidi nos diskulpa pa kualkier inkombeniensia.