Menu

U bent hier: Home » Palabra privá

Palabra privá

Bon biní

Bon biní riba e wèpsait (seguidamente yamá: e ‘Wèpsait’) di Kompania di Awa i elektrisidat Boneiru N.V. (‘WEB’)
Lesa kuidadosamente e siguiente kondishonnan básiko relashoná ku e uso di e wèpsait. Lo siguiente ta aplikabel riba e wèpsait. Usando e wèpsait òf dor di download e informashon riba e wèpsait, bo ta akordá ku e kondishonnan di uso (“Kondishonnan di uso”).

General

E informashon riba e wèpsait aki ta diseñá komo informashon general. WEB por (laga) kambia òf terminá e wèpsait segun e ta konsiderá nesesario na momentu ku e ta deseá, ku òf sin anunsio previo.
WEB no ta responsabel pa e konsekuensianan di e kambionan òf di e terminashon.

Uso di informashon

WEB ta ofresé tur Informashon, inkluyendo tekstonan, imágennan, ilustrashonnan, logonan, diseñonan, ikononan, potrètnan, imágennan di video, por eskrito – i tur sobrá material, ku ta forma parti di e wèpsait aki (konhuntamente yamá: e “Informashon”) i e wèpsait mes pa uso personal, no-komersial pa usuarionan di e wèpsait. WEB no ta responsabel pa daño eksistente i/òf ku por surgi i ku ta resultá, di un manera òf otro, dor di uso di e wèpsait òf simplemente dor di no por konsultá e wèpsait.

Kondishonnan di garantia i renunsia

• WEB tin e ophetivo pa garantisá ku e Informashon ta korekto, kompleto, konfiabel i aktual. Apesar di e atenshon aki e ta posibel ku e informashon no ta sufisiente i/òf ta inkorekto. Por lo tantu, WEB no ta garantisá ku e wèpsait ta sin eror i ademas WEB no ta garantisá ku e wèpsait ta funshoná i ta aksesibel kontinuamente.
• WEB ta ofresé e kontenido di e wèpsait den e estado ku e ta na e momento ei. Konsiderando ku WEB a kompilá e informashon i datonan for di diferente fuente, WEB ta distansiá su mes eksplísitamente di tur kondishon di garantia i/òf di kondishonnan relashoná ku tur kasonan ku tin konekshon ku e Wèpsait òf na kua e Wèpsait ta referí.

Propiedat di Materialnan

Tur derechonan (inkluyendo e derechonan di outor, derecho di marka i/òf otro derechonan di propiedat intelektual) riba e Informashon ta propiedat di WEB.
No ta permití pa kopia, multipliká, manda, distribuí, publiká òf pone e Informashon na disposishon di terseronan kontra kompensashon, sin outorisashon eksplísito di WEB.

Marka komersial

E kompania di Awa i Energia di Boneiru ta un marka komersial registrá di WEB. E otro nòmbernan di produkto òf servisio òf logonan di WEB na kua e Wèpsait ta referí, ta òf markanan komersial òf markanan komersial registrá di WEB. E echo ku un nòmber di produkto i/òf servisio òf logo ta karesé den e kondishonnan di uso no ta nifiká ku WEB ta distansiá su mes di su marka komersial i/òf otro derechonan di propiedat intelektual relashoná ku un nòmber òf logo similar.

Feedback i informashon

  • Lo konsiderá tur informashon mandá na e Wèpsait aki, komo informashon no- konfidensial. Ta konsiderá komo “Feedback”: komentario, karta, mensahenan di email, sugerensia, idea i otro kontribushonnan proveé òf ofresé na WEB via e Wèpsait aki òf proveé, mandá òf ofresé relashoná ku uso di e Wèpsait aki.
  • WEB tin mag di usa e tipo di feedback aki di forma ilimitá.
  • Uso no outorisá òf no apropiá di e Wèpsait òf di e kontenido di esaki por violá e lei i legislashon, propiedat intelektual i/òf otro regla i derechonan. Ademas e usuario ta akordá di no manda Feedback kalumioso – òf di un manera òf otro ilegal, ofensivo òf opseno. E usuario ta responsabel pa tur lokual e manda na e Wèpsait aki.

Kompania i produktonan di terseronan

• E menshon di produkto, kompania i wèpsaitnan di terseronan riba e Wèpsait únikamente pa suministrá informashon, pues e menshon aki no ta impliká ni sosten ni un rekomendashon. WEB no ta garantisá ku e tipo di informashon i wèpsaitnan aki ta korekto, kompleto òf aktual.
• WEB no ta responsabel pa e eskoho, e prestashon òf e uso di e produkto òf kompanianan. WEB ta menshoná e informashon aki únikamente pa fasilitá su usuarionan. Mester hasi pedido di tur produkto di terseronan direktamente serka nan i mester kombení tur eventual pèrmit i kondishonnan di garantia entre e usuario i e terseronan. Ademas WEB ta konsehá e usuario pa e tuma kontakto ku e tersero ku kua e ta será un akuerdo pa verifiká si e informashon konserní ta korekto i kompleto.

Hyperlinks pa bai na otro wèpsaitnan

WEB no tin influensia riba e kontenido di kualke otro wèpsait ku por wòrdu habrí via e Wèpsait. Pa e motibu ei, WEB no por asumí niun responsabilidat pa e konsekuensianan ku por resultá for di e ‘hyperlinknan’ pa bai riba otro wèpsait. Den kaso ku e usuario bishitá un wèpsait via un ‘hyperlink’, e usuario mester ta konsiente di e echo ku e wèpsait aki ta operá independientemente for di WEB i ku WEB no ta responsabel pa e kontenido òf ku WEB no ta sostené e uso di un tipo di wèpsait asina.

Otro kondishonnan

  • A no ser ku e ta indiká di forma diferente, ta ofresé e Wèpsait i e Informashon únikamente komo promoshon di produkto i servisionan di WEB.
  • WEB ta manehá e Wèpsait for di e ofisina prinsipal na Kralendijk, Boneiru.
  • BES-recht ta aplikabel riba e uso i e Informashon di e Wèpsait. E hues na Boneiru ta kompetente pa husga tokante eventual disputanan ku por surgi relashoná ku e Wèpsait.
  • Uso di e Wèpsait aki ta enserá ku e usuario ta bai di akuerdo ku e kondishonnan di uso di WEB.
  • Derecho di outor © 2018 WEB tur derecho reservá.