Menu

U bent hier: Home » Koriente bèrdè » Proyektonan

Proyektonan

Piloto Solar Barcadera
Fin di mart 2015 a habri na Boneiru e Piloto Solar Barcadera. Ta trata di un instalashon di prueba ku 792 pènel solar riba e tereno di Barcadera. Ku e instalashon aki WEB ta investigá rendimentu i konsekuensia pa e ret di elektrisidat di produkshon di energia ku pènel solar. Tambe ta studia faktibilidat di un Hardin Solar grandi.

Un instalashon di mónitòr di kalidat haltu ta registrá faktornan den ambiente manera radiashon, temperatura i velosidat di bientu. Ta sigui e influensia ku distribushon di energia solar tin riba e ret di elektrisidat minusiosamente. Análisis semanal di e midimentunan ta duna WEB bista den adaptashonnan nesesario, rendimentu i posibilidatnan pa futuro di e produkshon di energia ku pènel solar.

Si e resultadonan ta faborabel, por ekspandé e instalashon di prueba. Un di e opshonnan ta un Hardin Solar. Pa esaki WEB lo buska koperashon ku tantu invershonistanan komersial komo partikular. Partisipashon di pueblo i kompanianan ta ofresé espasio pa solidaridat ku esnan ku no por pèrmití nan mes pènel solar. Asina un Hardin Solar den kuadro di e Lei Elektrisidat i Awa di Bebe Bes nobo, por ta un solushon pa tene elektrisidat pagabel i hasi energia solar aksesibel pa tur habitante di Boneiru.

Koriente bèrdè

Grátis Servisio di interupshon

Bo tin un interupshon? E tim di Servisio di interupshon ta alkansabel 24/7 via e linia grátis 9215