Menu

U bent hier: Home » Koriente bèrdè » Energia di solo

Energia di solo

Na mart 2015 Boneiru a dal un paso nobo pa mas energia bèrdè: energia di solo. E Piloto Solar na Barcadera ta un instalashon di prueba ku 792 pènel solar ku ta produsí energia awor pa un 60 kas. Ku e instalashon di prueba aki WEB ta investigá rendimentu i posibilidatnan pa futuro di energia solar.

Meskos ku energia di bientu, energia solar ta dependé di naturalesa: anochi no tin solo i durante produkshon di energia den dia por tin nubia. Esaki ta kousa puntonan haltu i abou ku por kousa problema den e ret di elektrisidat. P’esei ku e Piloto Solar ta investigá tambe e influensia ku distribushon di energia solar tin riba e ret di elektrisidat.

Esaki ta di importansia tambe pa kontrolá e konsekuensianan di produkshon individual di energia: negoshinan i partikularnan ku ke usa un instalashon di nan mes pa energia solar. Ora tin poko produkshon di energia nan por kai bèk riba e suministro di elektrisidat di WEB. Si nan ta produsí mas ku nan ta usa, ta pone e elektrisidat ku sobra riba e ret. Ku esaki ta resultá fluktuashon i instabilidat ku WEB mester dirigí den bon direkshon.

Koriente bèrdè

Grátis Servisio di interupshon

Bo tin un interupshon? E tim di Servisio di interupshon ta alkansabel 24/7 via e linia grátis 9215