Menu

U bent hier: Home » Empresarial » Tarifa i Kondishonnan

Tarifa i Kondishon

Komo resultado di e vírus di korona un medida a wòrdu adoptá pa Gobièrnu Hulandes kaminda e Ministerio di Infrastruktura i Awa lo tin e responsabilidat pa kubri  gastunan fiho pa un periodo di 8 luna . Komo resultado di esaki  durante di e periodo aki e tarifa fiho riba e faktura di e lunanan di mei te ku desèmber lo wòrdu pone na sero. Kuminsando 1 di mei te ku 31 di desèmber 2020, e periodo aki a keda ekstendé  te ku 31 di desèmber 2021. E tarifa pa usuarionan di Pagabon ta mes kos ku e tarifa variabel pa klientenan ku no ta uza Pagabon. Den kaso ku surgi un kambio den e periodo den  kual e medida lo wòrdu apliká, WEB lo informá na su debido tempu.

Bo ke sa kua tarifa pa awa di bebe  i elektrisidat ta na vigor pa 2021 ? kiko esaki lo nifiká pa abo ?

Tarifanan Elektrisidat 1 di yanüari 2020 (download)
Tarifanan Awa di Bebe 1 di yanüari 2020 (download)
Medidanan di emergensia Tarifanan Elektrisidat-1-mei-2020.
Medidanan di emergensia Tarifanan Awa di Bebe-1-mei-2020.

Tarifanan Elektrisidat 1 di yanüari 2021 (download)
Tarifanan Awa di Bebe 1 di yanüari 2021 (download)

Tarifanan periódiko di elektrisidat

E tarifa di uso variabel ( i usuarionan di Pagabon ) ta  subi di USD 0.2277 pa kWh pa 0.2554 pa kWh.

E oumento ta debí na e uso ( temporal)  di un tipo di kombustibel mas karu pa  produkshon di elektrisidat. E situashon di Bonaire Petroleum Corporation NV ( BOPEC) a nifiká ku  temporalmente mester a usa e kombustibel “Light Fuel Oil” (LFO,) ku ta mas karu,na lugá di e kombustibel “Heavy Fuel Oil “ (HFO). Entidat Públiko Boneiru (OLB) ta trahando riba un solushon ku lo mester keda kla pa e promé mitar di 2021.

Tarifanan periódiko awa di bebe

E tarifa di uso variabel ta subi  di USD 3.768 m3 pa  USD 3.812 pa m3.

Pa klientenan ku entrega ku trùk di awa, tarifa ta subi di USD 4.513 pa m3 na  USD 4.548 pa m3.

E oumento di e tarifanan di uso variabel i esun pa entrega ku trùk di awa ta pa motibu di oumento di kosto di elektrisidat, pues indirektamente tambe dor di oumento di kosto pa kombustibel.

Methodo di fakturashon

Ta apliká e tarifanan periódiko nobo di elektrisidat i awa di bebe riba e fakturanan entrante  febrüari 2021 (ku un fecha inisial pa e uzo den yanüari i un fecha final na febrüari). Pa Pagabon i trùk di awa e tarifanan nobo ta visibel dirèkt for di 1 di yanüari 2021.

(*) Pa  1 di yüli  2021, dependiendo di e desaroyo di preis di kombustibel, e tarifa variabel pa elektrisidat i e tarifa di Pagabon lo wòrdu determiná di nobo.

Tarifanan di konekshon di un biaha (*) elektrisidat i awa di bebe

E tarifa di konekshon di un biaha te ku 25 meter ta baha ku 4.8 % na USD 1,513.56 pa elektrisidat i na USD 1,030.48 pa awa di bebe. Pa konekshonnan ku un distansia mas largu ku 25 meter, lo apliká un kontribushon pa e kliente basa riba estimashon di e kosto berdadero.