Menu

U bent hier: Home » Elektrisidat » Meskla optimal di energia

Meskla optimal di energia

E meskla di energia di Boneiru ta konsistí di un sentral di disel na Karpata, un sentral di disel peakshaver/backup na Barcadera, e Parke Solar na Barcadera, parke di mulina di bientu na Morotin i un mulina di bientu na Sorobon.

WEB ta hasi esfuerso máksimo pa logra mas tantu ‘koriente bèrdè’ posibel: elektrisidat for di energia di bientu i solo. Ta fuentenan di energia renobá ku infinitivamente ta disponibel. Si nos mester tene kuenta semper ku nan ta instabil, pa motibu ku nan ta dependé di naturalesa. Asina ku bientu supla ménos, tin ménos energia di bientu. Anochi no tin solo i durante dia por tin nubia ku ta pone ku tin ménos energia di solo. E teknologia pa warda koriente bèrdè ta tur ku tin den desaroyo, pero na e momentu aki, warda esaki manera por ehèmpel karga bateria grandi, ta hopi karu ainda. Pues nos no por pone bùfer pa mas stabilidat den suministro di koriente bèrdè.

Kombustibel fosil – petroli, gas natural, gas di skali, karbon – ta pone preshon riba medio ambiente ku emishon di CO2. Nan no ta renobabel i nan disponibilidat ta limitá. Pero un bentaha importante di kombustibel fosil ta ku nan ta fuentenan di energia stabil. Por kalkulá hopi eksakto e kantidat di disel ku ta nesesario pa un sierto kantidat di elektrisidat. Otro for di bientu i solo, bo sa pues presis kiko bo ta haña. Te ainda no por sin kombustibel fosil den e meskla di energia ku WEB ta aspirá pa elektrisidat duradero, konfiabel i pagabel na Boneiru.

Elektrisidat

Grátis Servisio di interupshon

Bo tin un interupshon? E tim di Servisio di interupshon ta alkansabel 24/7 via e linia grátis 9215