Menu

U bent hier: Home » Awa di bebe » Tratamentu i distribushon

Tratamentu i distribushon

E téknika di osmósis inverso ku kua ta produsí awa na Boneiru, ta entregá awa ekstremadamente puru. E awa aki ainda no ta awa pa bebe. E awa aki mester di un tratamentu pa motibu ku awa di bebe tin ku kumpli ku eksigensianan legal. Pues e mester kontené mineralnan, entre otro un sierto kantidat di kalki.

Via filter di kalki ta disolvé kalsio karbonato den awa. Ku esaki e awa ta bira mas ‘duru’. Pa hendenan ku un mashin di laba tayó: e awa tin un ‘dures’ total di mas o ménos 50 mg/l òf 2.8 grado aleman di ‘duresa’. Ku esaki e awa ketu bai ta suave i kasi lo no depositá kalki. Na Boneiru no ta agregá fluoride na e awa di bebe. For di 1973 fluorisashon no ta un eksigensia legal mas den regulashon hulandes.

Despues di e tratamentu e awa di bebe ta wòrdu almasená den tankinan di e fábrika di awa na Hato. Despues di esaki e ta wòrdu di pòmp pa e tankinan di distribushon na Seru Largu, Sabadeco i Rincon. For di einan e ta bai via e ret di distribushon di awa pa bo kranchi prinsipal. Pa motibu ku e tankinan di distribushon ta riba seru, gravedat ta sòru pa sufisiente preshon di awa.

Awa di bebe

Grátis Servisio di interupshon

Bo tin un interupshon? E tim di Servisio di interupshon ta alkansabel 24/7 via e linia grátis 9215